«QazTransOıl» AQ 2023 jyldyń I toqsanynda Germanııaǵa 300 myń tonna qazaqstandyq munaı tranzıtin júzege asyrady, dep habarlaıdy Egemen.kz.
Kompanııa atap ótkendeı, Reseı Federasııasynyń Energetıka mınıstrligi 2023 jyldyń I toqsanynda Germanııaǵa odan ári jetkizý úshin «Adamova zastava» munaı tapsyrý pýnktiniń baǵyty boıynsha «Transneft» JAQ magıstraldyq munaı qubyrlary júıesi boıynsha 300 myń tonna Qazaqstan munaıyn tasymaldaýǵa rastaý aldy.
«Munaıdyń bul tranzıti Qazaqstan Úkimeti men Reseı Úkimeti arasyndaǵy 2002 jylǵy 7 maýsymdaǵy tıisti kelisim sheńberinde júzege asyrylady», delingen «QazTransOıl» AQ baspasóz qyzmeti taratqan habarlamada.
11 qańtarda Energetıka mınıstri Bolat Aqsholaqov Qazaqstan munaıyn Germanııaǵa eksporttaý múmkindikteri týraly máselege túsinikteme berdi. Onyń aıtýynsha, qazir jylyna 1,5 mln tonnaǵa deıin eksporttaý kózdelip otyr.