Halyqaralyq izdeýde júrgen qylmysker Shyǵys Qazaqstan oblysynda ustaldy, dep habarlaıdy Egemen.kz Polisia.kz-ke silteme jasap.
О́skemen qalasynda jedel-izdestirý is-sharalarynyń barysynda aýyr qylmys jasaǵany úshin uzaq ýaqyt boıy Tájikstan Respýblıkasynyń quqyq qorǵaý organdarynan jasyrynyp júrgen qylmysker ustaldy. 27 jastaǵy jigit alaıaqtyq jasaǵany úshin qylmystyq qýdalaýdan jasyrynyp júrgen.
2021 jyldyń tamyz aıynda jábirlenýshige Latvııa Respýblıkasyna vıza alyp, kórsetilgen elge jiberemin degen jeleýmen senimine kirip, qaskúnem odan alaıaqtyq jolmen 2 325 AQSh dollaryn alǵan. Oǵan qatysty Tájikstan Respýblıkasy Ishki ister mınıstrliginiń Soǵdy oblysy boıynsha departamenti Tájikstan Respýblıkasy Qylmystyq kodeksiniń 247-babynyń 2-bóligi boıynsha bultartpaý sharasyn tańdaý arqyly izdeý isin bastady.
Biraz ýaqyttan keıin aıyptalýshynyń Qazaqstan aýmaǵynda júrgeni anyqtaldy. Bıylǵy jyldyń qańtar aıynda izdeýde júrgen azamat ustalyp, Tájikstan Respýblıkasyna deportasııalandy.