Petropavl qalasyndaǵy M.Jumabaev atyndaǵy IT mektep 2002 jyly Joǵary kolledjdiń janynan ashylǵan edi. Bul –kezinde aqyn Maǵjan Jumabaev sabaq bergen pedagogıkalyq ýchılıshe. Osy oqý orny áýeli kolledj, keıinnen joǵary kolledj retinde ózgerdi. 1993 jyly oqý ornyna áıgili aqynnyń esimi berildi.
2021 jyly IT mektepke 900 oryndyq arnaýly ǵımarat salyndy. Qazaqsha-oryssha oqytatyn osy mektep ǵımaraty byltyrǵy oqý jylynda jyly bolmaı, únemi jurtshylyqtyń nazarynda boldy. Oqýshylar búrseńdep, qalyń kıimderin sheshe almaı otyratyn kez jıi kezdesetin.
Bıylǵy oqý jyly bastalǵanda da aıǵaı-shý tolastamady. Shetki kabınetterdegi jylylyq 15 gradýstan aspaıdy, oqýshylar qalyń kıimmen ǵana júrýge májbúr degen sózder jıi aıtylatyn. Mektep ákimshiligi jáne ata-analar ótinishimen ákimdik pen antıkor merdigerdi qarasha aıynda jaýapkershilikke tartyp, jylytý júıesiniń jetispeıtin máselesin sheshýdi talap etti. Jańa júıeniń kináratyn merdigerler tapty. Sý aıdaıtyn nasostardyń jumysyn durys qospaǵan kórinedi. Kinárat tabylǵan soń mektep úıi jylynyp sala berdi.
Qazir oqý kabınetteri jaıly, 23-24 gradýstyq jylylyqty kórsetip tur. Oqýshylardyń kóńil kúıleri de kóterińki. Byltyrǵydaı qalyń kıimdermen otyrǵan joq, jeńil kıimderimen jaınap júr. Mektep dırektory Rázııa Qasymovanyń aıtýyna qaraǵanda, tipti kabınetter ysyp, terezeni ashýǵa da májbúr bolady eken.
Bıyl Soltústik Qazaqstanda jaıly qys bolyp tur. Qar da kúrt jaýmaı babymen tústi. Aýanyń temperatýrasy qańtar aıynda eki kún ǵana qatty sýyq boldy. Odan ári 10-12 gradýstan tómen túsken emes.
PETROPAVL