Qazirgi ýaqytta órt sóndirildi. Japa shekkender joq. Kómir berý sehyn qaıta qalpyna keltirý jumystary bastaldy. Jylý júıesindegi temperatýra ýaqytsha túsýi múmkin.
Oblys ákimi Danıal Ahmetov oqıǵa ornynda. Ol oryn alǵan oqys oqıǵa boıynsha baspasóz ókilderine aqparat beretinin aıtty.
Al kásiporyn basshylyǵynyń aıtýynsha, qazir órt tolyqtaı aýyzdyqtalǵan.
- Jylý elektr ortalyǵyndaǵy sehtardyń birinen órt shyqty. Zardap shekkender joq, órt tolyqtaı aýyzdyqtaldy. Qazir jylý berýdi qalpyna keltirý jumystary bastalyp ketti. Aıta keteıik, jylý jelisiniń temperatýrasy ýaqytsha tómendeıtin bolady. Qala turǵyndarynan sabyr saqtap, túsinistik tanytýlaryn suraımyz, - dedi «Rıdder JEO» AQ prezıdenti Ál-Taıyr Syzdyqov.