Qonaev taǵylymy

Rýhanı-tanymy joǵa­ry shyǵar­many 2014 jyly Qonaev ýnıversıteti Mem­lekettik syılyqqa usyn­dy. Túrli sebeppen máre­ge jetpese de, jer-jerde aǵa býyn bir-birinen surap oqı­tyn eńbekke aınaldy. Sodan beri onshaqty jyl ótti. Astana mýzy­ka mektebiniń negizin qa­laý­shy, bilim ardageri Ospan Súleımenuly men «Til jáne mádenıet» bir­les­tiginiń qaıratkeri Ánýarbek Eraly: «Sura­nys­qa ıe shyǵarma bes jyl saıyn jaryq kórip tur­ǵany jón. «Tań­ǵajaıyp Qonaevty» Mádenıet já­ne sport mınıstrligi mem­lekettik tapsy­rysqa engi­zedi dep senemiz. Beımálim sebeppen tizimge kirmeı, keıinge qala beretini oılandyrady. Ras, D.Qo­naev qalamger emes, biraq ol mem­le­ket qaıratkeri, álemge áıgili tulǵa ǵoı. Son­dyqtan kitap memleket qol­daýy­men shyǵýǵa tıis edi. Dımekeńniń 110 jyl­dyq mereıtoıyna oraı jaryq kór­megeni qamyqtyrdy», deıdi.

Al qýanyshty habar – Qonaev jy­­lynda Túrkistan azamatta­ry osy kitapty Shymkenttegi «Nur Dana» bas­pasynan shyǵaryp, ha­lyqqa usyndy. Ǵylymı konferensııada oqyrmanǵa, jergilikti kitaphanalarǵa taratty.

Túrkistan qalasynyń Ál-Farabı kitaphanasynda ótken Dıme­keńe arnal­ǵan jıynda kitap avtory Oraz Qaý­ǵabaı demeýshi bolǵan oblystyq má­denıet bas­qarmasyna, «Qonaev qo­ryna» rııa­syz alǵysyn jetkizdi.

Túrkistandaǵy jıynda Áset Qydyrqul esimdi aqsaqal: «Qa­zir ózderi aspannan túskendeı Dımash Ahmet­ulyn jamandaı­tyndar da bar kórinedi. Árıne, kompartııa saıasatymen baıla­nystyryp. Astanada bir aqyn­­nyń osyndaı olaq sózin es­tip tańǵalyp edim. О́zi aldyn­da kom­mýnısterdi, keıin Qa­zaq­stan­­dy qıyn jaǵdaıǵa jet­kiz­gendi jyrlaǵanyn tars umy­typ ketken... Dımekeńniń taza­lyǵy bolmysy men isinde tur» dep, búginginiń ashy sabaǵyn esimizge saldy.

Sondaı-aq taıaýda Aqtóbe qala­synda D.Qonaev atyndaǵy mektep-gım­na­zııada da O.Qaýǵa­baı kitabynyń tanystyryly­my sátti ótti.

Astanada da D.Qonaev kol­­ledji men mektebinde kitap avto­rymen kezdesý bolyp, avtor ádi­letti Qazaqstan úshin tulǵa­tanýdyń mańyzyn túsindirdi. Muǵalimder men shákirtterdiń túrli suraǵyna jaýap berdi.

Aıdar Janarys,

jýrnalıst