Atyraý oblysy Maqat aýdany Dossor aýylynda eki adam kómirqyshqyl gazynan ýlanyp qaıtys boldy. Qala mańyndaǵy Tomarly aýylynan taǵy úsh adam ýlanyp aýrýhanaǵa jetkizildi, dep habarlaıdy Egemen.kz.
Oblystyq Tótenshe jaǵdaılar departamenti baspasóz qyzmetiniń habarlaýynsha, qaıǵyly oqıǵa Maqat aýdany Dossor aýylynda bolǵan. Onda eki qabatty úıdiń páterleriniń birinen 1977 jáne 1976 jyly týǵan er adamdardyń máıitteri tabyldy. Ekeýi de kómirqyshqyl gazynan ýlanǵan.
Tergeý barysynda qaıǵyly oqıǵaǵa kógildir otynmen jumys isteıtin jylytý peshin paıdalaný erejesiniń buzylýy sebep bolǵany belgili boldy.
Atyraý qalasynyń irgesindegi Tomarly aýylynda túnde úsh adam kómirqyshqyl gazyna ýlanyp qalǵan. Aýrýhanaǵa 46 jastaǵy er adam men áıel, sondaı-aq 13 jastaǵy jasóspirim jetkizildi.