Sheteldik kólikterdi zańdastyrý naýqanynyń alǵashqy úsh kúninde 13 myń ótinish maquldandy, dep habarlaıdy Egemen.kz.
Ishki ister mınıstrliginiń málimetinshe, 13 myń ótinim maquldanyp, 900-ge jýyq adam jańa nómir aldy. Bul naýqan 2023 jyldyń 23 qańtarynda bastaldy.
«Qazirgi ýaqytta 13 myń ótinim aldyn ala maquldanǵan. 879 adam óz kólikterin sátti zańdastyrdy. Olarǵa qazaqstandyq tehpasporttar men memlekettik nómirlik belgiler berildi», delingen vedomstvo habarlamasynda.
Atalǵan naýqan bastalar aldynda «Azamattarǵa arnalǵan úkimet» jáne QR IIM Qazaqstanda sheteldik kólikterdi zańdastyrýdyń tez ári durys rásimdeý joldary týraly aqparatpen bólisken bolatyn.
Gúlshahra SANSYZBAI