Búkilálemdik bıosferalyq rezervattar júıesine endi

Taıaýda IýNESKO «Adam jáne bıosfe­ra» baǵdarlamasynyń (MAB) Ha­lyq­aralyq úılestirý komıtetiniń 26-sessııasynyń she­shimimen qazaqstandyq eki tabı­ǵı rezer­vat­qa «IýNESKO bıos­feralyq rezervaty» halyq­aralyq mártebesi beki­tildi. Olar «Qatonqaraǵaı» mem­leket­tik ulttyq tabıǵı parki men «Aq­jaı­yq» bıosferalyq aýmaǵy. Eki erek­she qorǵalatyn tabıǵı aý­maq­tar IýNESKO Búkilálemdik bıos­fe­ra­lyq rezervattar júıesine engizilgen. IýNESKO halyqaralyq sarapshylary Qazaqstan Úkimetiniń, MAB Ulttyq komıtetiniń jáne QR IýNESKO jáne ISESKO isteri jó­nindegi Ulttyq komıssııasynyń atalǵan nomınasııalardy pysyq­taýdaǵy kúsh-jigerin óte joǵary baǵalady. Osylaısha, qazirgi tańda Qazaq­standa 4 IýNESKO bıosferalyq rezervaty júzege asyrylýda. Qorǵaljyn jáne Alakól nomınasııalary 2012-2013 jyldary IýNESKO bıosferalyq rezervattary mártebesin aldy. Búkil­álemdik bıosferalyq rezer­vattar júıesine ený tamasha tabıǵattyń saqtalýyna, sondaı-aq, Qazaqstannyń ekonomıkasy men týrıstik áleýetin damytýǵa yqpal jasaıdy. «Egemen-aqparat».