Qazaqstannyń Túrkııadaǵy elshiliginiń uıymdastyrýymen elge 64 adam evakýasııalandy, dep habarlaıdy Egemen.kz SIM baspasóz qyzmetine silteme jasap.
Qazaqstan Prezıdenti Qasym-Jomart Toqaevtyń tapsyrmasymen Túrkııadaǵy jer silkinisinen zardap shekkenderge qosymsha kómek kórsetý úshin QR Tótenshe jaǵdaılar mınıstrliginiń 56 adamnan turatyn ekinshi eshelony qajetti izdestirý-qutqarý qural-jabdyqtary tıelgen ushaqpen 8 aqpanda Gazıantep qalasyna jetti.
«Qazaqstannyń Túrkııadaǵy elshiliginiń uıymdastyrýymen keri reıspen IL-76 ushaǵymen 64 adam, onyń ishinde 42 Qazaqstan azamaty jáne 22 Qyrǵyzstan azamaty Astanaǵa qaıtaryldy. Elge oralǵan azamattar Gazıantep, Mersın, Kahramanmarash, Dıarbakyr, Shanlyýrfa jáne Elıazyk provınsııalarynan kelgen», delingen habarlamada.