Qazaqstan Respýblıkasy Premer-mınıstriniń orynbasary – Syrtqy ister mınıstri Muhtar Tileýberdi Amerıka Qurama Shtattarynyń Elshisi Denıel Rozenblıýmdi qabyldady, dep habarlaıdy Egemen.kz.
Kezdesý barysynda taraptar ekijaqty saıası, saýda-ekonomıkalyq jáne mádenı-gýmanıtarlyq árekettestik kún tártibiniń ózekti máselelerin, sondaı-aq aldaǵy is-sharalardyń kestesin talqylady.
Saýda-ekonomıkalyq yntymaqtastyqtyń joǵary qarqyny qanaǵatpen atap ótildi. 2022 jyldyń qorytyndysy boıynsha ózara saýda 2021 jylmen salystyrǵanda 37,2%-ǵa artyp, 3,05 mlrd AQSh dollar qurady.
1993 jyldan beri AQSh-tan Qazaqstanǵa tikeleı ınvestısııa aǵynynyń jalpy kólemi 62 mlrd AQSh dollardan asty. 2022 jyldyń alǵashqy úsh toqsanynda AQSh-tan Qazaqstanǵa tikeleı ınvestısııa aǵynynyń kólemi aldyńǵy jyldyń sáıkes kezeńimen salystyrǵanda 58,8%-ǵa ulǵaıyp, 5 mlrd AQSh dollardan asty.
Suhbatty qorytyndylaı kele, taraptar Qazaqstan men AQSh arasyndaǵy keńeıtilgen strategııalyq seriktestik ózara múddelilik bar salalarda odan ári damıtynyna senim artty.