«Amanat» partııasynyń respýblıkalyq saılaýaldy shtaby úgit-nasıhat naýqanyn óńirlerde jalǵastyrdy. Parlament Májilisiniń depýtattyǵyna kandıdat Ashat Aımaǵambetov Túrkistan oblysyndaǵy saılaýshylarmen júzdesti.
Shtab músheleri aldymen «Farab Library» kitaphanasynda aqsaqaldar, zııaly qaýymmen kezdesý ótkizdi. Munda amanattyqtar ult rýhanııatyn, mádenıeti men ónerin damytý máselelerin talqylap, partııanyń «Halyqpen birge!» saılaýaldy baǵdarlamasynda qamtylǵan ózge de bastamalardy tanystyrdy. Budan soń Ashat Aımaǵambetov Q.A.Iаsaýı atyndaǵy Halyqaralyq qazaq-túrik ýnıversıtetiniń stýdentterimen, bilim ordasynyń professorlyq oqytýshylar quramymen júzdesti.
– Búgin sizdermen elimizdiń qoǵamdyq-saıası ómirindegi mańyzdy oqıǵa qarsańynda dıdarlasyp otyrmyz. О́zderińiz biletindeı, kúni keshe «Amanat» partııasynyń saılaýaldy baǵdarlamasy jarııalandy. Bizdiń baǵytymyz – aıqyn, ustanymymyz – berik. Biz jemqorlyq pen qymbatshylyqtyń aldyn alyp, densaýlyq saqtaý salasyndaǵy túrli kedergilermen kúresip, ashyq, ádiletti qoǵam qurýdy kózdeımiz. Sondyqtan osy maqsattarymyzdy saılaýaldy baǵdarlamada 10 negizgi baǵyt boıynsha toptastyrdyq. Onyń ishinde bilim jáne ǵylym salasy da qamtyldy, – dedi A.Aımaǵambetov.
Onyń aıtýynsha, atalǵan salada buǵan deıin de aýqymdy jumys atqaryldy. Alaıda damytýdy, jetildirýdi jáne erekshe nazar aýdarýdy qajet etetin máseleler áli de bar.
– Partııanyń saılaýaldy baǵdarlamasynda halyqty tolǵandarǵan túıtkildi máselelerdiń basym bóligi qamtyldy. Sonyń ishinde, joǵary oqý oryndarynyń materıaldyq-tehnıkalyq bazasyn jańǵyrtý, grant sanyn kóbeıtý, shákirtaqyny kóbeıtý, oqytýshylardyń jalaqysyn ósirý, stomatologııa, pedıatrııa mamandyqtaryna mán berý bastamalary da kórinis tapty. Biz jalǵan uran tastap, oryndalmaıtyn ýáde bermeımiz, – dedi kandıdat.
Kezdesý barysynda Ashat Aımaǵambetov stýdentterdiń suraǵyna jaýap berip, túrli taqyrypqa qatysty oıyn ortaǵa saldy.