2014 jylǵy 5 maýsym, Astana, Úkimet Úıi
Qazaqstan Respýblıkasynyń aýmaǵyna astyq jınaý kombaındary men astyq jınaý kombaındarynyń modýlderin ákelýdiń keıbir máseleleri týraly
«Keden odaǵynyń biryńǵaı kedendik aýmaǵyna ákelinetin astyq jınaý kombaındary men astyq jınaý kombaındarynyń modýlderine qatysty ımporttyq kvota engizý arqyly arnaıy qorǵaý sharasyn qoldaný týraly» Eýrazııalyq ekonomıkalyq komıssııa alqasynyń 2013 jylǵy 25 maýsymdaǵy №143 sheshimin iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan Astyq jınaý kombaındary men astyq jınaý kombaındarynyń modýlderin ákelýge arnalǵan ımporttyq kvota kólemderin syrtqy saýda qyzmetine qatysýshylar arasynda bólý qaǵıdalary bekitilsin.
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2014 jylǵy 5 maýsymdaǵy. №616 qaýlysymen bekitilgen
Astyq jınaý kombaındary men astyq jınaý
kombaındarynyń modýlderin ákelýge arnalǵan ımporttyq kvota
kólemderin syrtqy saýda qyzmetine qatysýshylar arasynda bólý qaǵıdalary
1. Jalpy erejeler
1. Osy Astyq jınaý kombaındary men astyq jınaý kombaındarynyń modýlderin ákelýge arnalǵan ımporttyq kvota kólemderin syrtqy saýda qyzmetine qatysýshylar arasynda bólý qaǵıdalary (budan ári – Qaǵıdalar) «Keden odaǵynyń biryńǵaı kedendik aýmaǵyna ákelinetin astyq jınaý kombaındary men astyq jınaý kombaındarynyń modýlderine qatysty ımporttyq kvota engizý arqyly arnaıy qorǵaý sharasyn qoldaný týraly» Eýrazııalyq ekonomıkalyq komıssııa Alqasynyń 2013 jylǵy 25 maýsymdaǵy № 143 sheshimimen bekitilgen Astyq jınaý kombaındary men astyq jınaý kombaındarynyń modýlderine qatysty ımporttyq kvota kólemderin syrtqy saýda qyzmetine qatysýshylar arasynda bólý ádistemesiniń 12-tarmaǵyna sáıkes ázirlendi jáne syrtqy saýda qyzmetin retteý quraly retinde ımporttyq kvotany bólý tártibi men ádisin aıqyndaıdy.
2. Lısenzııalar berý tártibi men merzimderi Qazaqstan Respýblıkasynyń lısenzııalaý týraly zańnamasymen aıqyndalady.
2. Termınder men anyqtamalar
3. Osy Qaǵıdalarda mynadaı uǵymdar paıdalanylady:
1) ımporttyq kvota kólemi – Eýrazııalyq ekonomıkalyq komıssııa Alqasynyń 2013 jylǵy 25 maýsymdaǵy № 143 sheshimine № 1 qosymshada ımporttyq kvotanyń qoldanylý kezeńine belgilengen astyq jınaý kombaındary men astyq jınaý kombaındary modýlderiniń kólemi;
2) eseptik kezeń – ımporttyq kvota belgilengen jyldyń tikeleı aldyndaǵy úsh jyl.
Eseptik kezeń dep mynalar túsindiriledi:
2011 – 2013 jyldar – 2014 jylǵa arnalǵan ımporttyq kvotany bólgen kezde;
2012 – 2014 jyldar – 2015 jylǵa arnalǵan ımporttyq kvotany bólgen kezde;
2013 – 2015 jyldar – 2016 jylǵa arnalǵan ımporttyq kvotany bólgen kezde;
3) taýar – KO SEQ TN 8433 51 000 1, 8433 51 000 9 jáne 8433 90 000 0 kodtarymen synyptalatyn, Eýrazııalyq ekonomıkalyq komıssııa olarǵa qatysty ımporttyq kvota belgilegen, keminde astyq bastyrý-aıyrý qurylǵysynan turatyn, bastyrý barabanymen jabdyqtalǵan nemese jabdyqtalmaǵan astyq jınaý kombaındary men astyq jınaý kombaındarynyń modýlderi, beldikter, dońǵalaqtar nemese shynjyr tabandar ornatýdy kózdeıtin tirek negizinde nemese shanaq ramasynda ornatylǵan qozǵaltqyshty tazartý júıeleri;
4) syrtqy saýda qyzmetine qatysýshylar – Qazaqstan Respýblıkasynyń zańnamasyna sáıkes zańdy nemese jeke tulǵalar;
5) tarıhı satyp alýshy – Qazaqstan Respýblıkasynyń zańnamasyna sáıkes esepti kezeń ishinde taýardy ishki tutyný úshin shyǵarý nemese ishki tutyný úshin qaıta óńdeý kedendik rásiminde ákelýdi júzege asyratyn syrtqy saýda qyzmetine qatysýshy;
6) ýákiletti organ – taýar ımportyna lısenzııalar berýge ýákilettik berilgen memlekettik organ.
3. Importtyq kvota kólemderin bólý tártibi
4. Eýrazııalyq ekonomıkalyq komıssııa Alqasynyń 2013 jylǵy 25 maýsymdaǵy № 143 sheshimine № 1 qosymshada Qazaqstan Respýblıkasy úshin taýarlardy ákelýge belgilengen ımporttyq kvota kólemderin bólý mynadaı tártippen júrgiziledi:
syrtqy saýda qyzmetine qatysýshylarǵa tıisti jylǵa arnalǵan ımporttyq kvotanyń jalpy kóleminiń 30 %-y;
tarıhı satyp alýshylarǵa tıisti jylǵa arnalǵan ımporttyq kvotanyń jalpy kóleminiń 70 %-y mólsherinde.
Osy tarmaqtyń birinshi bóligine sáıkes ımporttyq kvota kólemin bólý nátıjesinde bólshek mánder alynǵan jaǵdaıda, esepteýler nátıjeleri bútin mánge deıin dóńgelekteýge jatady.
4. Syrtqy saýda qyzmetine qatysýshylar arasynda
ımporttyq kvota kólemderin bólý ádisi
5. Syrtqy saýda qyzmetine qatysýshylar arasynda ımporttyq kvota kólemin bólý syrtqy saýda qyzmetine qatysýshylardyń (tarıhı satyp alýshylardy qosa alǵanda) ımportqa lısenzııa alýǵa ótinish berý kezektiligi tártibimen árbir syrtqy saýda qyzmetine qatysýshy úshin jalpy ımporttyq kvota kóleminiń 20 %-ynan aspaıtyn kólemde júzege asyrylady.
Osy tarmaqtyń birinshi bóligine sáıkes ımporttyq kvota kólemin bólý nátıjesinde bólshek mánder alynǵan jaǵdaıda, esepteýler nátıjeleri bútin mánge deıin dóńgelekteýge jatady.
Syrtqy saýda qyzmetine qatysýshylar arasynda ımporttyq kvota kólemin bólý bylaısha júzege asyrylady:
1) 2014 jylǵa – osy Qaǵıdalar qoldanysqa engizilgen kúnnen bastap;
2) 2015 jáne 2016 jyldarǵa – tıisti kúntizbelik jylǵy 1 aqpannan bastap.
6. Syrtqy saýda qyzmetine qatysýshylarǵa ımportqa lısenzııalardy ýákiletti organ syrtqy saýda qyzmetine qatysýshylar úshin kózdelgen ımporttyq kvota kólemi taýsylǵanǵa deıin beredi.
7. Ýákiletti organ olarǵa lısenzııalar berilgen taýar ákelýge ımporttyq kvota kólemderi jáne bólinbeı qalǵan kólemder týraly málimetterdi www.minplan.gov.kz jáne www.comtorg.kz ınternet resýrstarynda apta saıyn jarııalaıdy.
5. Tarıhı satyp alýshylar arasynda
ımporttyq kvota kólemderin bólý ádisi
8. Agroónerkásiptik keshendi damytý salasyndaǵy ýákiletti organ syrtqy saýda qyzmetine qatysýshylardan taýar ákelýge ótinimderdi qabyldaý jáne qabyldaý merzimderi týraly, ımporttyq kvota kólemderin bólý tártibi jáne sharttary týraly habarlandyrýdy www.minagri.gov.kz ınternet resýrsynda:
1) 2014 jylǵa osy Qaǵıdalar qoldanysqa engizilgen kúnnen bastap kúntizbelik 5 kún ishinde;
2) 2015 – 2016 jyldarǵa tıisti kúntizbelik jylǵy 15 qańtarǵa deıin ornalastyrady.
9. Importtyq kvota kólemin alý úshin ótinimdi tarıhı satyp alýshylar:
1) 2014 jylǵa – ótinimderdi qabyldaý týraly habarlandyrý jarııalanǵan sátten bastap kúntizbelik 15 kún ishinde;
2) 2015 – 2016 jyldarǵa – tıisti kúntizbelik jylǵy 1 sáýirge deıin beredi.
10. Osy Qaǵıdalardyń 9-tarmaǵynda kórsetilgen ótinimder berý merzimi aıaqtalǵanǵa deıin syrtqy saýda qyzmetine qatysýshy keri qaıtarǵan ótinim berilgen joq dep sanalady.
11. Keden isi salasyndaǵy ýákiletti organ agroónerkásiptik keshendi damytý salasyndaǵy ýákiletti organǵa ishki tutyný úshin shyǵarý nemese ishki tutyný úshin qaıta óńdeý kedendik rásimderine (osy Qaǵıdalardyń 3-tarmaǵynyń 2) tarmaqshasynda kórsetilgen ýaqyt kezeńinde) ornalastyrylǵan taýardy ákelýdiń zattaı kólemderi týraly aqparatty Keden odaǵynyń Syrtqy ekonomıkalyq qyzmetiniń taýar nomenklatýrasynyń 10 belgisiniń deńgeıinde syrtqy ekonomıkalyq qyzmetke qatysýshylar bóliginde KO SEQ TN mynadaı: 8433 51 000 1, 8433 51 000 9, 8433 90 000 0 kodtary boıynsha osy Qaǵıdalarǵa 1-qosymshaǵa sáıkes nysan boıynsha:
1) 2014 jylǵa osy Qaǵıdalar qoldanysqa engizilgen kúnnen bastap kúntizbelik 15 kún ishinde;
2) 2015 – 2016 jyldarǵa onyń ishinde taýardy ákelý kózdeletin tıisti kúntizbelik jylǵy 1 sáýirge deıin usynady.
12. Agroónerkásiptik keshendi damytý salasyndaǵy ýákiletti organ keden isi salasyndaǵy ýákiletti organ derekteriniń negizinde osy Qaǵıdalardyń 9-tarmaǵynda kórsetilgen ótinimder berý merzimi aıaqtalǵan kúnnen bastap 10 jumys kúni ishinde ýákiletti organǵa tarıhı satyp alýshylar tizbesi jónindegi aqparatty olar úshin eseptelgen ımporttyq kvotalar kólemderimen birge osy Qaǵıdalarǵa 2-qosymshaǵa sáıkes nysan boıynsha usynady.
Tarıhı satyp alýshylar úshin ımporttyq kvota kólemderin esepteýdi agroónerkásiptik keshendi damytý salasyndaǵy ýákiletti organ quratyn komıssııa júrgizedi.
13. Ýákiletti organ agroónerkásiptik keshendi damytý salasyndaǵy ýákiletti organnan osy Qaǵıdalardyń 12-tarmaǵynda kórsetilgen aqparatty alǵannan keıin 10 jumys kúni ishinde ımporttyq kvota kólemderin usynylǵan derekter negizinde tarıhı satyp alýshylar arasynda bóledi.
14. Taýar ımportyna lısenzııa berýdi ýákiletti organnyń taýar ákelýge ımporttyq kvotany tarıhı satyp alýshylar arasynda bólý týraly tıisti buıryǵy qoldanysqa engizilgennen keıin ýákiletti organ zańnamada belgilengen tártippen júzege asyrady.
15. Tarıhı satyp alýshy ózine bólinip otyrǵan ımporttyq kvotanyń barlyq kólemin ne ózine bólinip otyrǵan kvota kóleminiń bir bóligin ákelýge lısenzııa berý týraly ótinish berýge quqyly.
16. Tarıhı satyp alýshylar úshin aıqyndalǵan ımporttyq kvotalar kólemderin bólýge qatysý úshin tarıhı satyp alýshylar taýar ákelýge ımporttyq kvotanyń kózdeletin kólemin kórsete otyryp, agroónerkásiptik keshendi retteý salasyndaǵy ýákiletti organǵa osy Qaǵıdalarǵa 3-qosymshada belgilengen nysan boıynsha ótinimdi usynady.
17. Eger barlyq tarıhı satyp alýshylar ótinim bergen taýar kólemi tarıhı satyp alýshylar úshin aıqyndalǵan ımporttyq kvota kólemine teń nemese odan kem bolsa, onda ımporttyq kvota kólemi tarıhı satyp alýshylar úshin suratylatyn kólemderge sáıkes bólinedi.
Tarıhı satyp alýshylar jete paıdalanbaǵan ımporttyq kvotalar kólemderi jekelegen taýar túrleriniń ımportyna lısenzııa alýǵa ótinishter kórsetilgen ótinim berilgen taýar kólemine sáıkes syrtqy saýda qyzmetine qatysýshylar arasynda kezektilik tártibimen bólý úshin beriledi.
Ýákiletti organ tarıhı satyp alýshylar paıdalanbaǵan ımporttyq kvota kólemine taýar ákelýge lısenzııalardy taýar ákelýge ımporttyq kvotany tarıhı satyp alýshylar arasynda bólý týraly tıisti buıryq kúshine engennen keıin kezektilik tártibimen beredi.
18. Eger barlyq tarıhı satyp alýshylar ótinim bergen taýar kólemi tarıhı satyp alýshylar úshin bólingen ımporttyq kvota kóleminen artyq bolsa, onda ımporttyq kvota kólemi tarıhı satyp alýshylar úshin eseptik kezeń ishinde ishki tutyný úshin shyǵarý nemese ishki tutyný úshin qaıta óńdeý kedendik rásimderine ornalastyrylǵan taýardy ákelýdiń jalpy kólemindegi olardyń úlesine barabar esepteledi.
Tarıhı satyp alýshyǵa bólinetin ımporttyq kvota kólemi osy tarıhı satyp alýshynyń ótiniminde kórsetilgen taýar sanynan (danada) artyq bolmaıdy.
19. Tarıhı satyp alýshyǵa tıisti jyly bólinetin ımporttyq kvota kólemin esepteý mynadaı formýla boıynsha júrgiziledi:
Vi =V ir * D,
munda:
Vi – i-shi tarıhı satyp alýshyǵa bólinetin ımporttyq kvota kólemi;
Vip – tarıhı satyp alýshylar úshin ımporttyq kvota kólemi;
D – esepti kezeńde ishki tutyný úshin shyǵarý nemese ishki tutyný úshin qaıta óńdeý kedendik rásimderine taýar ákelýdiń jalpy kólemindegi tarıhı satyp alýshynyń úlesin kórsetetin koeffısıent.
D koeffısıenti mynadaı formýla boıynsha esepteledi (koeffısıenttiń máni júzdik bólshekke deıin dóńgelenedi):
D =Vipt / Vt
munda:
Vipt– osy tarıhı satyp alýshy esepti kezeń ishinde ishki tutyný úshin shyǵarý nemese ishki tutyný úshin qaıta óńdeý kedendik rásimderine taýardy Qazaqstan Respýblıkasynyń aýmaǵyna ákelý kólemi;
Vt – barlyq tarıhı satyp alýshylar esepti kezeń ishinde ishki tutyný úshin shyǵarý nemese ishki tutyný úshin qaıta óńdeý kedendik rásimderine taýardy Qazaqstan Respýblıkasynyń aýmaǵyna ákelýdiń jıyntyq kólemi.
20. 2015 – 2016 jyldary ımporttyq kvotany tarıhı satyp alýshylar úshin eseptegen kezde tarıhı satyp alýshyǵa bólinetin ımporttyq kvota kólemi ótken jyly bólingen ımporttyq kvotany paıdalanbaýdyń árbir on paıyzy úshin on paıyzǵa kemitiledi.
21. Eger kórsetilgen formýlalar boıynsha eseptelgen tarıhı satyp alýshyǵa bólinetin ımporttyq kvota kólemi bólshek mánderge ıe bolsa, onda eseptik shama matematıkalyq dóńgeletý jolymen belgilenedi.
22. Eger tarıhı satyp alýshylar ótinim bergen ımporttyq kvota kólemi osy tarıhı satyp alýshy úshin joǵaryda kórsetilgen formýlalar boıynsha eseptelgen ımporttyq kvota kóleminen kem bolsa, onda tarıhı satyp alýshyǵa ótinim berilgen ımporttyq kvota kólemi aıqyndalady.
Qalǵan kólemder qalǵan tarıhı satyp alýshylar arasynda osy Qaǵıdalardyń 19-tarmaǵyna sáıkes esepti kezeńde taýar ákelýdiń jalpy kólemindegi olardyń úlesine barabar qosymsha esepteýler jolymen bólinedi.
Astyq jınaý kombaındary men astyq jınaý kombaındarynyń modýlderin ákelýge arnalǵan ımporttyq kvota kólemderin syrtqy saýda qyzmetine qatysýshylar arasynda bólý qaǵıdalaryna 1-qosymsha
Syrtqy saýda qyzmetine qatysýshylardyń astyq jınaý kombaındary men astyq jınaý kombaındarynyń modýlderin ákelý kólemi týraly aqparat
(tıisti esepti kezeńge)
R/s № SEQ qaty-
sýshy JSN/BSN Ákelingen taýar sany, birlik Esepti kezeńde ákelý kólemindegi SEQ qatysýshynyń taýar ákelý úlesi, %
Barlyǵy Sonyń ishinde:
____*
jyl ______*
jyl _____*
jyl
BARLYǴY
Eskertpe: *- Qaǵıdalardyń 3-tarmaǵynyń 2) tarmaqshasyna sáıkes olar boıynsha aqparat beriletin esepti kezeń jyldary kórsetiledi.
Astyq jınaý kombaındary men astyq jınaý kombaındarynyń modýlderin ákelýge arnalǵan ımporttyq kvota kólemderin syrtqy saýda qyzmetine qatysýshylar arasynda bólý qaǵıdalaryna 2-qosymsha
Tarıhı satyp alýshylar jáne astyq jınaý kombaındary men astyq jınaý kombaındarynyń modýlderin ákelýge olar úshin eseptelgen ımporttyq kvotalar kólemi jónindegi aqparat
R/s № SEQ qatysý-shysy JSN/BSN Ákelingen taýar sany, dana Eseptik kezeńde jalpy ákelý kólemindegi SEQ qatysý-shysynyń taýar ákelý úlesi, %-ben О́tinim berilgen taýar sany,
dana Esep-
telgen
ımport-
tyq kvota kólemi,
dana
Barlyǵy Sonyń ishinde:
----* jyl ----* jyl ----* jyl
BARLYǴY
* - Qaǵıdalardyń 3-tarmaǵynyń 2) tarmaqshasyna sáıkes olar boıynsha aqparat beriletin esepti kezeń jyldary kórsetiledi.
Eskertpe. Osy qujattyń árbir paraǵy dáıektelýi tıis.
Astyq jınaý kombaındary men astyq jınaý kombaındarynyń modýlderin ákelýge arnalǵan ımporttyq kvota kólemderin syrtqy saýda qyzmetine qatysýshylar arasynda bólý qaǵıdalaryna
3-qosymsha
Tarıhı satyp alýshy retinde astyq jınaý kombaındary men
astyq jınaý kombaındarynyń modýlderin ákelýge ımporttyq
kvota alýǵa ótinim
О́tinim berýshi: ____________________________
BSN: ____________________________
Zańdy mekenjaıy: ____________________________
Qyzmet túri: ____________________________
Baılanys derekteri: ____________________________
Osymen ________________ astyq jınaý kombaındary (SEQ TN kody 8433 51 000 1, 8433 51 000 9) men astyq jınaý kombaındarynyń modýlderin (SEQ TN kody 8433 90 000 0) _______ danada (_______________ jazbasha) _______ jyl ishinde ákelýge ımporttyq kvota bólýdi suraıdy, sonyń ishinde:
Ataýy SEQ TN kody Sany, dana
Qosymsha aqparat (qajet bolǵan kezde): esepti kezeńde júrgizilgen ataýyn ózgertý (rastaıtyn qujattardyń kóshirmelerin qosa bere otyryp), esepti kezeńde taýar ákelý kólemi jáne t.b. týraly kórsetýge bolady.
Basshy __________________________ qoly
M.O.