«Air Arabia» áýe kompanııasy reıs keshigýi jaǵdaıynda jolaýshylarǵa qyzmet kórsetý talaptaryn buzǵany úshin ákimshilik jaýapkershilikke tartyldy. Bul týraly QR Syrtqy ister mınıstrligi Azamattyq avıasııa komıtetiniń resmı Telegram-arnasynda jarııalandy, dep habarlaıdy Egemen.kz.
«Air Arabia» áýe kompanııasy Almaty-Shardja baǵyty boıynsha reıs keshiktirilgen kezde Qazaqstan Respýblıkasynyń qoldanystaǵy zańnamasynda kózdelgen qyzmetterdi (alkogolsiz sýsyndardy) usynbaǵan. Osyǵan baılanysty kompanııaǵa Ákimshilik quqyq buzýshylyq týraly kodekstiń 567-babyn buzǵany úshin 200 AEK (690 myń teńge) mólsherinde ákimshilik aıyppul salyndy.
«Azamattyq avıasııa komıteti júrgizilip jatqan jumys aıasynda jolaýshylardyń quqyqtaryn saqtaý bóliginde Qazaqstannyń qoldanystaǵy zańnamasynyń talaptaryn saqtaıdy jáne áýe tasymaldaýshylary tarapynan buzýshylyq faktileri anyqtalǵan jaǵdaıda belgilengen tártipte sharalar qabyldaıdy», dep atap ótti vedomstvo ókilderi.
Azamattyq avıasııa ókilderi osy talaptar boıynsha Qazaqstan Respýblıkasy zańnamasyn buzǵan otandyq jáne sheteldik áýe kompanııalaryn jaýapkershilikke tartý jumystary jalǵasyp jatqanyn aıtty.