ASTANA. 21 maýsym. Búgin tún ortasyna qaraı Brazılııadaǵy álem chempıonatynda Argentına jáne Iran quramalary arasyndaǵy oıyn aıaqtaldy. Ol 1:0 esebimen argentınalyqtardyń paıdasyna sheshildi. Bul týraly egemen.kz habarlady.
Argentına – Iran 1:0 (0:0).
21 maýsym. Belý-Orızontı. Stadıon «Mıneıran» stadıony. Tóreshi – Mılorad Majıch (Serbııa).
Argentına: Serhıo Romero, Pablo Sabaleta, Esekel Garaı, Federıko Fernandes, Markos Roho, Fernando Gago, Haver Maskerano, Anhel dı Marııa (Lýkas Bılıa, 90+4), Lıonel Messı, Gonsalo Igýaın (Esekel Lavessı, 76), Serhıo Agýero (Rodrıgo Palasıo, 76).
Iran: Alıreza Hagıgı, Djalıal Hosseını, Amırhosseın Sadegı, Peıman Montazerı, Mehrdad Pýladı, Djavad Nekýnam, Andranık Teımýrıan, Ashkan Dejaga (Alıreza Djahanbaksh, 85), Masýd Shodjaeı (Hosro Heıdarı, 76), Ehsan Hadjsafı (Reza Hagıgı, 88), Reza Goohanneıad.
Gol: Lıonel Messı (90+1).
Eskertýler: Djavad Nekýnam (53), Masýd Shodjaeı (73).
Osy oıynda taǵy bir sensasııa týyp kete jazdady. Argentına quramasy dopqa ıelik etý jaǵynan qarsylastaryn eki ese orap alǵanyna qaramastan, matchtan keıingi qosymsha ýaqytqa deıin esep asha almady. Tóreshi qosqan osy mezgilde ǵana ataqty Lıonel Messı qaqpashynyń oń jaq buryshynan sańylaý taýyp, dopty torǵa jóneltti. Degenmen, ýaqytynyń kóbin qorǵanysta ótkizgen Iran fýtbolshylary da sońǵy mınýttarda jasaǵan qarsy shabýyldary kezinde birneshe ret gol soǵyp kete jazdady.
Osy jerde oıyn sońynd eki komanda oıynshylary arasyndaǵy úzdigi retinde ırandyq qaqpashy Alıreza Hagıgıdiń tanylǵanyn da aıta keteıik. Ol rasynda ǵajap oıyn kórsetti. Darbazashy óz qaqpasyn eń sońyna deıin talaı goldan aman saqtap qana qoıǵan joq, sonymen birge, áriptesterin alǵa qaraı attandap umtylýǵa jigerlendirip te turdy. Osy jortýyldar barysynda parsy fýtbolshylarynyń gol soǵyp ketetin birneshe múmkindigi boldy. Al oıynnyń taǵdyryn Messıdiń bir ǵana doby sheship ketti.
Mamandar qazir Argentına quramasyna mynadaı oıynymen kelesi kezeńnen ótý múldem qıynǵa soǵatynyn da aıtyp jatyr.
Damır Qojamqul.
Derekkóz: Chempıonat.Rý.
Foto: Sportbox.ru.