2023 jylǵy 1 sáýirde Qazaqstanda Ákimshilik kodekske engizilgen ózgerister kúshine enedi. Endi aıyppul tóleý qajettigi týraly habarlama júrgizýshiniń eGov.kz portalyndaǵy jeke kabınetine jáne telefon nómirine jiberiledi. Osydan keıin aıyppuldy tóleý týraly buıryq jetkizildi dep esepteledi. Bul týraly Kolesa.kz saıtynda jazylǵan, dep habarlaıdy Egemen.kz.
Qazir júrgizýshiler atynda aıyppuldyń bar-joǵyn Memlekettik kirister komıtetiniń saıtynan jáne keı bank qosymshalarynan teksere alady.
Sonymen qatar aıyppul týraly habarlama júrgizýshiniń eGov.kz portalynda tirkelgen telefon nómirine SMS túrinde jiberiledi. Alaıda azamattar portalǵa telefon nómirin qate jazýy nemese ózgertip jiberýi múmkin. Sonyń saldarynan mashınany qaıta tirkeý kezinde óz atynda aıyppul baryn bilmeı jatady.