ASTANA. 23 maýsym. Keshe túnde Rıo-de-Janeıroda Belgııa jáne Reseı quramalary kezdesip, bulardyń aldyńǵylary 1:0 esebimen basym tústi. Bul týraly egemen.kz habarlady.
Belgııa – Reseı 1:0 (0:0).
22 maýsym. Rıo-de-Janeıro. «Marakana». stadıony 73 819 kórermen. Tóreshi - Felıks Bryh (Germanııa).
Belgııa: Tıbo Kýrtýa , Tobı Aldverveıreld, Vensan Kompanı, Danel van Bıýıten, Tomas Vermalen (Iаn Vertongen, 31), Aksel Vıtsel, Marýan Fellaını, Drıs Mertens (Kevın Mıralıas, 75), kevın de Brıýıne, Eden Azar, Romelý Lýkaký (Dıvok Orıgı, 57).
Reseı: Igor Akınfeev, Alekseı Kozlov (Andreı Eshenko, 62), Vasılıı Berezýskıı, Sergeı Ignashevıch, Dmıtrıı Kombarov, Denıs Glýshakov, Vıktor Faızýlın, Aleksandr Samedov (Aleksandr Kerjakov, 90), Oleg Shatov (Alan Dzagoev, 83), Maksım Kanýnnıkov, Aleksandr Kokorın.
Gol: Dıvok Orıgı (88).
Eskertýler: Aksel Vıtsel (54), Tobı Aldverveıreld (73) – Denıs Glýshakov (38).
Reseı quramasy osynyń aldyndaǵy koreılermen bolǵan birinshi matchyna qaraǵanda, bul joly áldeqaıda táýir oınady. Biraq bul áńgimeniń shabýyldyń nátıjeli bolýyna qatysy joq. Orystar búkil matchtyń óne boıynda gol soǵatyn kóptegen múmkindikterdi jasap, «qyzyl perilerdiń» biraz shat-shálekeıin shyǵarǵanymen, olarynan túpki oń nátıje bola qoımady.
Negizinen qarsylastar eki taımda eki túrli bolpy kórindi. Aıtalyq, birinshi taımda belgııalyqtar birinshi taımda anaǵurlym basym oınasa, ekinshi taımda reseılikterdiń bir ıyqtary ozyq turdy. Soǵan qaramastan, olar oıyndaǵy jalǵyz goldy, onda da kezdesý bitýge 2 mınýt qalǵanda jiberip aldy. Birinshi taımda Reseı qorǵaýshylarynyń Drıs Mertensti ustap turýy qıynǵa soqsa, úzilisten keıin forvardtyń ózi báseńsip ketti. Al Alekseı Kozlov seksen mınýt boıy Eden Azardy typyr etkizbese, sosyn alańǵa onyń orynan shyqqan Andreı Eshenko da mindetin tamasha atqardy. Alaıda, eń sońǵy sátte odan kóz jazyp qaldy. Mine, oıynnyń taǵdyry sheshilýine osynyń ózi jetip jatty.
Kezdesý 88-mınýtqa deıin 0:0 degen qalypty ustap turdy. Sol kezde «qyzyl periler» qaýyrt qarsy shabýylǵa kóshti. Onyń barysynda Dıvok Orıgı sol qaptaldan júgirip shyǵyp, qarsy bettegi aıyp alańyna jetti. Onyń bergen dobyn alǵan Eden sálden qaıtara ózine usyndy. Al Orıgı jaqyn jerden Igor Akınfeev qorǵaǵan qaqpaǵa qatty soqqy jasady. Gol!
Ýaqyttyń tym az qalǵanyna qaramastar, orystarda budan keıin de oıyn nátıjesin qutqaryp qalatyn máýritter boldy. Bas jattyqtyrýshy Fabıo Kapello sońǵy joryqqa Aleksandr Kerjakovty qosty. Ol 90-mınýtta Aleksandr Samedovti almastyrdy. Biraq bári endi kesh edi. Buǵan qosa, Mark Vılmotstiń jigitteri reseılikterdiń shapqynshylyǵyn paıdalanyp uıymdastyrǵan qarsy shabýyldary kezinde tipti ekinshi goldaryn da soǵyp kete jazdady. Alaıda, sońǵy sátte Kevın Mıralıas qaqpashyny aldap óte almady. Osylaısha Reseı quramasy ókinishti jeńiliske tap boldy.
Al eki oıynnan 6 upaı jınaǵan Belgııa pleı-off kezeńine ótti. Endi kóp jaıtty sońǵy týrdyń nátıjeleri anyqtaıdy.
Damır Qojamqul.
Derekkóz: Chempıonat.Rý.
Foto: Sportbox.ru.