ASTANA. 23 maýsym. Búgin tań aldynda AQSh pen Portýgalııa arasyndaǵy oıyn aıaqtalyp, ol 2:2 degen teń nátıje ákeldi. Bul týraly egemen.kz habarlady.
23 maýsym. Manaýs. «Amazonııa» stadıony. 40 123 kórermen. Tóreshi - Nestor Pıtana (Argentına).
AQSh: Tım Hovard, Fabıan Djonson, Djeff Kemeron, Mett Beslre, Damarkvs Bızlı, Kaıl Bekerman, Djermeın Djons, Alehandro Bedoııa (DeAndre Iedlın, 72), Maıkl Bredlı, Nrem Zýsı (Omar Gonsales, 90+1), Klınt Dempsı (Krıs Vondolovskı, 87).
Portýgalııa: Betý, Joaý Pereıra, Brýný Alvesh, Rıkardý Koshta, Andre Almeıda (Vılıam Karvalıý, 46), Joaý Moýtıno, Raýl Meırelesh (Sılvestre Varela, 69), Lýısh Nanı, Elder Poshtıga (Eder, 16), Krıshtıan Ronaldý.
Goldar: Lýısh Nanı (5), Djermeın Djons (64), Klınt Dempsı (81), Sılvestre Varela (90+5).
Eskertý: Djermeın Djons (75).
Oıyn aqyr sońyna deıin tartyspen ótti. Portýgaldar match bitkennen keıingi qosymsha 5-mınýtta esepti teńestirdi. Qazir Germanııa men AQSh quramalarynda 4 upaıdan bolsa, Gana men Portýgalııa 1 upaı alyp tur. Sońǵy týrda lıderler men aýtsaıderler ózara kezdesedi. Áli tórt komandanyń tórteýinde de úmit bar. Tek ol Portýgalııa úshin basqalarǵa qaraǵanda qıyndaý túsedi. Sebebi, onyń dop aıyrymy nashar.
Al oıyn Paýlý Betý shákirtteri úshin óte tamasha bolyp bastaldy. Olardyń sapyndaǵy Lýısh Naný 5-mınýtta dopty baspen uryp túsirdi.Budan ári oıyndaǵy basymdyq amerıkalyqtarǵa kóshti. Soǵan qaramastan, birinshi taımnyń sońynda Nanı taǵy bir gol soǵyp, matchtyń taǵdyryn sheship ketýge sheshimshi qadam jasaı jazdady. Biraq onyń soqqysy baǵannan qaıtty.
Ekinshi taımda AQSh fýtbolshylary qarqyndy arttyra tústi. Sonyń nátıjesinde jarty saǵattyń ishinde esepti teńestirip qoıa salmaı, alǵa da shyqty. Aldymen Djermeın Djons 64-mınýtta jaýap dop soqsa, Klınt Dempsı 81-mınýtta esepti eseledi. Budan keıin amerıkalyqtar óte jaqsy qorǵana júrip, alǵa umtylyp turdy. Portýgaldar shabýylynda azýlylyq jetispeı jatty. Osy jaǵdaı oıyn sońyna deıin jetti. Tek oıynǵa qosylǵan 5-mınýt qana portýgaldardy saqtap qaldy. Ony Sılvestre Varela túsirdi.
Endi 1/8 fınalǵa shyǵý úshin portýgaldarǵa Ganany iri eseppen utý az, buǵan qosa Germanııa men AQSh teń oınaýlary kerek.
Damır Qojamqul.
Derekkóz: Chempıonat.Rý.
Foto: Sportbox.ru.