«Respublica» partııasy túrki áleminiń rýhanı astanasy Túrkistanda 500-den astam turǵynmen kezdesti. Partııa tóraǵasy, Májilis depýtattyǵyna kandıdat Aıdarbek Qojanazarov kezdesýde ulttyq mádenı biregeılikti ilgeriletýdiń mańyzdylyǵyn atap ótti.
– Kóshpendilerdiń tarıhı-mádenı murasyn sanaly urpaq retinde saqtap qana qoımaı, jastardyń sanasyna sáýle shashatyndaı nasıhattaýǵa, búkil álemge taratý mańyzdy. Biz halyqtyń birtutas mádenı keńistigin qalyptastyrýdy basty mindet retinde qarastyryp otyrmyz. Qazaq halqynyń ulttyq mádenı bolmysynyń ózegi – tarıhı dástúrimiz, ulttyq qundylyqtarymyz jáne qazaq tili. Kúlli túrki áleminiń rýhanı astanasyndaǵy Qoja Ahmet Iаsaýı sııaqty tarıhtaǵy rýhanı kóshbasshylarymyzdyń dúnıetanymyn dáriptep, urpaqtan urpaqqa jetkizý mańyzdy, – dedi A.Qojanazarov.
О́z kezeginde depýtattyqqa kandıdat Ekaterına Smolıakova da qoǵamdy toptastyrýdyń faktory retinde qazaq tilin nasıhattaýdyń mańyzdylyǵyna toqtaldy.
– Qazaq tilindegi tanymal kontentti damytý men taratýdy yntalandyratyn tetikterdiń joqtyǵy qynjyltady. Biz bos urandarǵa qarsymyz. Biz ult birliginiń basty faktory – qazaq tilin damytýdyń tıimdi tetikteri men jaǵdaıyn jasaýdy maqsat etip qoıdyq, – dedi E.Smolıakova.
«Respublica» partııasynyń jetekshileri men depýtattyqqa kandıdattar Shymkent qalasyna baryp, «Ferrum Vtor», «SvetLıt» jáne «ST temir» JShS metallýrgııalyq kásiporyndarynyń eńbek ujymdarymen kezdesti. Jıyn barysynda partııa tóraǵasy Aıdarbek Qojanazarov qoǵam ıgiligi úshin eńbek etý naǵyz patrıotızmniń kórinisi ekenin aıtty.
– «Respublica» partııasynyń ıdeıalaryn shynaıy patrıottarǵa, kúndelikti zaýyttar men fabrıkalarda jumys isteıtin naǵyz eńbek adamdaryna usynǵanyma óte qýanyshtymyn. Otanshyldyǵyńdy jar salyp kórsetpeı-aq, Otanǵa degen súıispenshiligińdi ispen dáleldeý – halyqtyń ıgiligi úshin eńbek etý dep bilemin, – dedi partııa jetekshisi.