Aqpan aıynyń qorytyndysy boıynsha, teńge baǵamy 1 AQSh dollary úshin 445,66 teńgege deıin 3,2% nyǵaıdy. Qazaqstan qor bırjasyndaǵy saýda-sattyqtyń bir kúndegi ortasha kólemi bir aıda 103-ten 130 mln AQSh dollaryna deıin ulǵaıdy, dep habarlaıdy Egemen.kz.
Ulttyq bank ókilderi taratqan aqparatqa súıensek, saýda-sattyqtyń jalpy kólemi 2,6 mlrd AQSh dollaryna teń boldy. Bir aı ishinde valıýta naryǵy suranys pen usynys turǵysynan teńgerimdi bolyp, aıyrbastaý baǵamy naryq talaptaryna saı qalyptasty.
«Baǵamnyń nyǵaıýy «salyq kezeńi» faktorymen jáne sheteldik ınvestorlardyń QR memlekettik baǵaly qaǵazdarǵa kirýimen de baılanysty boldy», dedi Ulttyq bank ókilderi.