Eki er adam 1986 jyly týǵan áıeldiń páterine zańsyz kirip, fızıkalyq kúsh kórsetip, urlap áketken. Ony Almatyǵa ákelip, zorlyqpen narkologııalyq klınıkaǵa jatqyzǵan, dep habarlaıdy Egemen.kz.
«2023 jylǵy 27 aqpanda Talǵar aýdanynyń polısııa basqarmasyna 1986 jyly týǵan áıel páterine zańsyz kirip, fızıkalyq kúsh kórsetip, urlap áketken. Almatyǵa ákelip, zorlyqpen narkologııalyq klınıkaǵa jatqyzǵan beıtanys adamdardy qylmystyq jaýapkershilikke tartý týraly aryz túsirdi», dedi Talǵar polısııa basqarmasy.
Talǵar aýdany polısııasynyń aldyn ala málimeti boıynsha, buǵan zardap shekken áıeldiń anasy tapsyrys bergen.
«Tergeýdiń nátıjesinde joǵaryda atalǵan áıeldiń anasy kúdikti retinde anyqtaldy. S. esimdi qyzyn májbúrlep emdemek bolyp, ony medısınalyq mekemege jetkizý úshin eki er adamdy jaldady» dedi Talǵar polısııa basqarmasy.
Bul is Talǵar polısııa basqarmasynda QR Qylmystyq kodeksiniń 125-baby 2-bóligi «Adam urlaý» boıynsha Sotqa deıingi tergep-tekserýlerdiń biryńǵaı tiziliminde tirkelgen.
Qazirgi ýaqytta tergeý jalǵasyp jatyr.