Astanadaǵy Beeline Arena Ulttyq tennıs ortalyǵynda ITF World Tennis Tour BeeTV 40 Women's serııasy týrnıriniń juptyq razrıadta oıyny aıaqtaldy, dep habarlaıdy Egemen.kz UOK baspasóz qyzmetine silteme jasap.
Fınalda jarystyń kil myqty birinshi jáne ekinshi dýeti bas qosty. Qazaqstandyq Anna Danılına men Irına Shımanovıch (Belarýs) úsh sette tamasha match kórsete aldy. Olar Ońtústik Koreıadan kelgen Na Le Han/Sý Djon Chandy 6:4, 6:7 (8:10), 10:7 jeńdi.
«Drama elementterimen qııýlasqan qıyn match boldy. Biraq eger fınalda drama shym-shytyryq bolmaǵanda, ony kórý qyzyqty bolmas edi. Men buǵan deıin osy jupqa qarsy oınaǵan edim, onda da fınalda sheshýshi taı-breıkte jeńiske jetkenbiz. Men olardyń jaqsy deńgeıde oınaıtynyn jáne qıyn match bolatynyn bildim, sońyna deıin kúresý kerek ekenin uǵyndym. Árıne, men sabyrly túrde jeńgim keldi, sýper taı-breıkke jetkizgim kelmedi. Sondyqtan sońǵy nátıje bizdiń paıdamyzǵa sheshilgenine óte qýanyshtymyn. Úıde oınaý árqashan jaǵymdy, ásirese Astanada ekinshi ret jeńiske jetkenim tipti keremet», dedi A. Danılına.