El jáne Elbasy
Lıýdmıla MAKARChÝK , Ekibastuz qalasyndaǵy «Dostyq úıiniń» dırektory: Ekibastuz qalasyndaǵy «Dostyq úıinde» 11 etnomádenı birlestik jumys isteıdi. О́tken jyly ózbek, armıan etnomádenı birlestikteri ashyldy. Etnomádenı birlestikterdi jigerli, shyǵarmashyl, yntaly adamdar basqarady. Bárimiz bir maqsatty qoldaımyz jáne Elbasy saıasatynyń birlik, tatýlyq jolyndaǵy eńbegin joǵary baǵalaımyz. Qalamyzda Nursultan Nazarbaevtyń tikeleı qoldaýymen zamanaýı jańa jarqyraǵan mýzyka mektebi salyndy. Qazir mektepte 600-ge jýyq ónerli balalar bilim alýda. Sáýleti qala kórkin ashyp, kóz tartady. О́nerli balalar jyl saıyn ótetin «Dostyq. Birlik. Táýelsizdik» dep atalatyn oblystyq etnomádenı festıvaline qatysady. Ulttyq birlik bul bárimizdiń de tańdaýymyz, tynyshtyq bárimizge kerek. Bárinen de qýanatynymyz, «Dostyq úıindegi» mádenı jıyn-sharalardan ózge ult ókilderiniń ul-qyzdary, ásirese, qarttarymyz eshqashan qalys qalyp kórgen emes. О́zge ult ókilderi memlekettik til – qazaq tilin de oqyp-úırenýde. Qaı mereke, qandaı shara ótkizbeıik, bizdiń bul maqsattaǵy án-shashýymyz el birligine, Otandy súıýge, patrıottyq rýhty kóterýge, shynaıy belsendilikti kóterýge, qazaq halqymen birge kele jatqan dostyqty dáripteýge arnalady. Etnomádenı birlestikterdiń qataryn bul kúnderi jastarymyz tolyqtyra bastady. «Dýlkyn», «Gıýzal-aı», «Slavıanochka», «Svitanok», «Marsho», «Boıahad» «Zodorınka» sııaqty án-bı ansamblderi úlkenderdiń izin basty. Búgin «Dostyq úıine» olardyń ata-ájeleri keletin bolsa, erteńgi kúni áke-shesheleri jas balalarymen kelip, orta toltyratynyna kózimiz jetti. Memlekettik tildi oqyp úırený etnomádenı birlestik múshelerin patrıottyq rýhta tárbıeleýge yqpal etedi. Teatrlandyrylǵan kórinisteri bar «Nazerke», «Maslenısa», «Sabantoı» merekeleri dástúrge aınaldy Ana-áıelder, apalarymyz «Qymyzmuryndyq», «Múshel toı», «Shashbaýly arý» merekelerine shaqyrady. «Ivan Kýpala», «Rojdestvolyq kezdesýler», «Slavıan jazýy men mádenıeti kúni», evreılerdiń «Roshashana» sııaqty jańa jyldy qarsy alýy merekeler ótedi. Sonymen qatar, biz «Dostyq úıine» óskeleń urpaqty: balalar men jastardy shaqyryp, jastar qanatyn nyǵaıtýdy qolǵa aldyq. Búgingi kúni jastar qanaty ár etnomádenı birlestikte bar. Biz «Úmit» balalar úıimen, orta arnaýly jáne joǵary oqý oryndarmen birlese sharalar ótkizip kelemiz. О́tken jyly «Dostyq úıi» bir aı boıy «Shirkin, Laıf» etno-jobasynyń iske asýyna qatysty. Sonyń barysynda ár etnomádenı birlestik «Qaınar» bilim berý-bos ýaqytty qamtý keshenine kelgen balalarǵa ulttyq as túrlerin, dástúrdi, mádenıet pen óner erekshilikterin kórsetti. «Polonııa» atty polıaktar birlestigi balalar ansambli quryldy. «Vozrojdenıe» nemister mádenı ortalyǵy nemis tiline kóńil bóledi. Nemis tilin úıretýge jumsalatyn shyǵyndardy Gete atyndaǵy Nemis mádenıet ortalyǵy tóleıdi. «Bratstvo» atty slavıan ortalyǵy jyl saıyn «Slavıan jazbasy men mádenıetiniń kúnderin» ótkizedi. Tatar-bashqurttardyń «Shatlyq» birlestigi «Sabantoı» oıyn-saýyq keshterine shaqyryp turady. Cheshen-ıngýshtardyń «Vaınah» jáne ázerbaıjandardyń «Azerbaıjan» birlestikterinde Oraza aıynda múmkindikteri shekteýli balalarǵa «Dostyq úıinde» qaıyrymdylyq asy beriledi.Ýkraındardyń «Svitanok» birlestiginiń janynda «Dýdarykı» balalar ansambli men «Svitanok» hory án salady. Káristerdiń «Choson» jáne evreılerdiń «Beıahat» birlestikteri aýyldardy aralap, qazaq halqynyń ádet-ǵuryptary men salt-dástúrlerin dáripteıdi. «Nazerke» teleklýby efırge shyǵady. Bizdiń qala turǵyndary úshin úlken mánge ıe «Dostyq úıine» búgingi kúni ártúrli ult ókilderi kelip, birlestiktermen birge ortaq iske jumylǵan. Ár etnomádenı birlestikti ózindik erekshe halyqtyq folklory, qaıtalanbas erekshelikteri men bolashaq urpaq aldyndaǵy jaýapkershilik pen paryz, bolashaqqa nyq qadam jasap otyrǵan bizdiń halqymyzǵa tán qazaqstandyq patrıotızm biriktiredi. Pavlodar oblysy.«Elimdi, Elbasymdy, elordamdy maqtan etemin»
Erkin AQYLBEKOV, Arys stansasyndaǵy suryptaý sehynyń operatory: Arys – toǵyz joldyń toraby, Ortalyq Azııanyń qaqpasy. Munda ejelden turatyn halyqtyń kópshiligi ákeden balaǵa mura bolyp kele jatqan temirjolshy mamandyǵyn ıelengen. Mamandyǵyn maqtanysh sanaıtyn, onyń jemisin kórip júrgen temirjolshylarymyz kóp-aq. Eńbekpen jetilgen biz qashan da mamandyǵymyzdy maqtan tutamyz. Elbasy Nursultan Nazarbaevtyń eldi, elordany kórkeıtýdegi eńbegi erekshe. Árbir kirpishiniń qalanýyna yqpal etkendikten, Astanamyz Elbasynyń tól balasy sekildi. Nursultan Nazarbaevtyń sarabdal saıasatynyń arqasynda búginde elordamyz Astana jyldan-jylǵa kórkeıip, álemge áıgili ortalyqqa aınaldy. Álem sáýletshilerine tańdaı qaqtyrǵan Beıbitshilik jáne kelisim saraıy, «Han Shatyr», «Báıterek» sekildi teńdesi joq ǵımarattar oryn tepken oǵan tańdana da tamsana qaraıtyndar kúnnen-kúnge artyp keledi. Búginde mıllıonǵa jýyq halyq turatyn Astananyń bolashaǵy budan da jarqyn bolmaq. Buǵan men qaltqysyz senemin. Ǵasyrlar toǵysynda irgetasy qalanǵan Astananyń asqaq aty áli talaı óleń-jyrlarǵa arqaý bolary sózsiz. Qyzyǵy men qıyndyǵy mol temirjolshy mamandyǵyn ıelengen adamnyń eńbek demalysyna shyǵýy da erekshe mereke. Ýaqytymdy barynsha kóńildi ótkizýge tyrysamyn. Eńbektiń zeınetin kórý, elińdi, Elbasyńdy, ózińniń Arys syndy qalańdy, temirjolyńdy, árıne, aıryqsha Astanańdy maqtan etý, aıtyp júrý de bir ǵanıbet! Sondyqtan da 2017 jyly Astanada ótetin EKSPO-2017 mamandandyrylǵan halyqaralyq kórmesine mindetti túrde qatysamyn. Bul – meniń el patrıoty retinde qabyldaǵan shynaıy sheshimim. Ýaqyt talabynan oza jumys isteıtin Prezıdenti men álemdegi ásem qalalardyń qataryna qosylyp kele jatqan eńseli elordasy bar elimizdiń bolashaǵy qashanda jarqyn bolmaq. Ońtústik Qazaqstan oblysy, Arys qalasy.«Qurdasyma qurmetim joǵary»
Qazbek NURYMGEREIULY, zeınetker: Men – Elbasy Nursultan Nazarbaevpen túıdeı qurdaspyn, bir jyldyń tólimiz. О́zim kóp ýaqyt alys aýdanda dáriger bolyp, densaýlyq saqtaý salasynda uzaq jyl eńbek ettim. Qazir eńbegimniń zeınetin kórip otyrmyn. Shyny kerek, Memleket basshysymen qurdas ekenimdi maqtanysh etemin ári udaıy egemen elimizdi basqarýdaǵy qadamdaryn qadaǵalap otyramyn. Nursultan Ábishuly, shyn máninde, halqynyń baǵyna týǵan dara tulǵa, birtýar Memleket basshysy. Táýelsiz memleketimizdiń tizginin ustaǵannan bergi týǵan halqy úshin, egemen eli úshin jasaǵan jumystary ushan-teńiz. Tarıhı qysqa ýaqytta Qazaqstandy álemge moıyndatty. Odaqtyń bodanynan bosaǵan áljýaz memleketti ekonomıkalyq damýdyń sara jolyna túsirdi. Aýyldyń ajary taıyp, el arasynda kúńkil-súńkil kóbeıgende de alǵan baǵytynan taımaı, munyń ýaqytsha qıyndyq ekenine, ajarly kúnderdiń alda ekenine halqyn sendirdi. Aıtqandaıyn-aq, qazir aýyldarda turmys jaqsaryp, údere kóshý toqtady, adamdar óz sharýasyn júrgizýge daǵdylana bastady. Mal ósirýge, egin salýǵa, shaǵyn jáne orta bıznespen aınalysýyna memlekettik qoldaý kórsetýdiń birneshe baǵdarlamalary jumys isteýde. Qazir úıirlep jylqy, otarlap qoı, tabyndap sıyr jáne kelelep túıe ósirip otyrǵandardy kórip súısinesiń. Olar óz jaǵdaıyn da jasap, el ekonomıkasyn nyǵaıtýǵa da úles qosyp júr. Elbasy Astanany Saryarqa tórine kóshirip, eshkimniń úsh uıyqtasa túsine kirmeıtin ǵasyr ǵajaıybyn jasady dep oılaımyn. Astana arqyly elimizdi álemge tanytty, Qazaqstandy damyǵan elý eldiń qataryna engizdi. Jyl ótken saıyn ekonomıkamyz nyǵaıyp, jańa alyp kásiporyndar salynyp, jańa jumys oryndary ashyldy. Qazir jumys joq degenderdiki bos sóz, eńbek etemin degenge jumys jetedi. Tipti, jumys tańdaıtyn dárejege jettik. Munda da jumyssyzdarǵa «Balyq emes, qarmaq ber» degendi basshylyqqa alǵan Elbasynyń kóregendiginiń qaıtarymdy bolǵanyn aıtpasqa bolmaıdy. Men zeınetke shyqqannan keıin Prezıdent saılaýlaryna belsene qatynasyp, halyqty durys tańdaý jasaýǵa úgittedim. Alǵashqylardyń biri bolyp «Otan» partııasyna múshe bolyp, qurdasymnyń júrgizip jatqan saıasatyn halyqqa túsindirýge atsalystym. Qazir de «Nur Otan» partııasyna múshemin. Men bul kisiniń jaı adam emes ekenine, táýelsiz memleketimizdiń tuǵyryn bekitetin sarabdal saıasatshy, dara tulǵa ekenine o bastan-aq sengenmin. Oǵan Nursultan Ábishulynyń egemendiktiń eleń-alańynda-aq halqynyń bolashaǵy úshin jasaǵan qadamdarynyń halyqqa qaltqysyz qyzmet etýge baǵyttalǵany da áser etkeni sózsiz. Qazaqstandy álemge tanytatyndaı kóptegen sharýalardyń basyn qaıyrdy. Ár alýan din ókilderiniń basyn Astanada áldeneshe ret qosýynyń ózi nege turady? Qazaqstandy ıadrolyq qarýsyz elge aınaldyrýy, sońǵy jyldardaǵy ekonomıkalyq bastamalary, Eýropadaǵy qaýipsizdik jáne yntymaqtastyq uıymyna tóraǵalyq etýimiz, EKSPO-2017 halyqaralyq kórmesin ótkizý quqyn jeńip alýymyz kez kelgen eldiń ıyǵy kóteretin sharýalar emes. Mundaı ister irgesi berik, yntymaǵy myqty, saıası turaqtylyǵy joǵary, ekonomıkalyq jaǵdaıy jaqsy elderdiń ǵana qolynan keledi. Mine, bizdiń Qazaqstanymyzdy Elbasy osyndaı álem tanyǵan memleket qataryna jetkizdi. Buǵan qýanbaǵanda, osyndaıda Elbasynyń eren eńbegi men sarabdal saıasatynyń jemisi ekenin aıtpaǵanda qaıda aıtamyz dep qolyma qalam alyp, rızashylyǵymdy bildirý qurdastyq ta, azamattyq ta paryzym dep oıladym. Elbasynyń el úshin jasaǵan jaqsylyǵyn ańǵarý úshin alysqa baryp keregi joq. Kúndelikti óz ómirimizde bolyp jatqan oń ózgeristerdi aıtsaq ta jetkilikti. Jyl saıyn zeınetaqy, shákirtaqy ósip keledi. Bilim berýde, densaýlyq saqtaýda ilgerileýler bar. Kúni keshegi jabylyp qalǵan mádenıet úıleri halyqqa qyzmet etýde. Áleýmettik jaǵdaıymyz jyldan-jylǵa jaqsara túsýde. Memleket basshysynyń bastamalarynyń baıandylyǵyn ózim turatyn Oıyl óńirindegi ózgeristerden de baıqaýǵa bolady. Egemendik alǵan az ǵana ýaqytta aýylymyz adam tanymastaı ózgerdi. Keńes Odaǵy ústemdik etken jetpis jylda atqarylmaǵan tyń sharýalar jasalǵanyn ótkenmen salystyrǵan adam birden biledi. Oblys ortalyǵy Aqtóbege deıin 300 shaqyrym jolǵa asfalt tóselip, buryn táýliktep júretin joldy qazir 2-3 saǵatta eńseretin boldyq. Jańadan salynǵan sport kesheni, aýrýhana, mektepter halyqqa qyzmet etýde. Buryn saıabaq degenniń ne ekenin bilmeıtin oıyldyqtar bir emes, eki saıabaqqa ıe bolyp otyr. Kósheler asfalttalyp, túngi Oıyldyń samaladaı jarqyrap turǵany Nursultan qurdasymnyń eńbeginiń jemisi dep bilemiz. Bul arada bostandyq alǵan jyldarda Elbasynyń komandasynda birlesip jumys atqaryp kele jatqan Eleýsin Saǵyndyqovqa, onyń jumysyn jalǵastyrýshy, qazirgi oblys ákimi Arhımed Muhambetovke de alǵysymyz sheksiz. Osy azamattardyń arqasynda Oıyl halqy bir-eki jyldyń shamasynda gazdyń da qyzyǵyn kórip qalýy múmkin. Laıym, solaı bolǵaı. Osyndaı jaǵymdy ózgerister elimizdiń kez kelgen óńirinde bolyp jatýy qurdasymnyń salıqaly saıasatynyń arqasy. Ol kisi maqtaý-marapattarǵa kende emes shyǵar. Degenmen de, men Elbasyna uıqysyz ótken túnderdiń, kúlkisiz ótken kúnderdiń jemisin kórińiz, halqyńyzdyń qurmetine bólene berińiz degen tilegimdi jetkizgim keledi. Aqtóbe oblysy, Oıyl aýdany.«Astana jol kórseter shamshyraǵymyz»
Rımma BEKTURǴANOVA, «Nur Otan» partııasy Qostanaı oblystyq fılıaly tóraǵasynyń birinshi orynbasary, Qostanaı oblystyq máslıhatynyń hatshysy: Men Astanany Selınograd, sondaı-aq, Aqmola kezinen bilemin. Búginde biz oǵan ótken kúnder kózimen qaraımyz da tańǵalamyz. О́ıtkeni, onyń úılerin, kóshelerin, ózge de ǵımarattaryn salystyramyz. Aıyrmashylyqtyń jer men kókteı ekenine kóńil toǵaıady. Men elordada jıi bolyp turamyn. Onda týǵan-týysqandarym jetkilikti. Ár barǵan saıyn úlken ózgeristerge tap kelemin. Tipti, bir aıdyń ishinde jańa ǵımarattardyń boı túzep úlgergenine tańǵalysymdy jasyra almaıtyn kezderim jıi kezdesedi. Ásirese, meni Astananyń sáýleti erekshe áserge bóleıdi. Ol múldem ǵajaıyp! Munda birde-bir ǵımarat ekinshisine múldem uqsamaıdy. Elordanyń qurylysyna Anglııanyń, Japonııanyń sáýletshileri qatysqanyn jaqsy bilemin jáne olardyń erekshe úılesimdilikke qol jetkizgenine búginde búkil álem kýá desem, qatelespeıtin shyǵarmyn. Astanada álemge ortaq sáýlet óneri molynan paıdalanylsa, ulttyq, qazaqı naqysh ta umyt qalmaǵan. Túrli mamandar osy kúnge deıin Astana úlgisin anyqtaýǵa qansha umtylsa da naqty bir ustanymǵa toqtaı alǵan joq. Sondyqtan olar elordada Eýrazııa úlgisi kórinis tapqan degen ortaq pikirge keldi. Qazaqstannyń patrıoty retinde munyń bárin men erekshe maqtan tutamyn. Osynyń barlyǵy – Prezıdent Nursultan Nazarbaevtyń arqasynda múmkin bolǵanyn atap kórsetkim keledi. Memleket basshysy óte qýatty erik-jigerge, rýhanı kúshke ıe. Sondyqtan ol Aqmola astana bolady degen kezde bul ıdeıaǵa ılanbaǵandar da az bolǵan joq. Biraq N.Nazarbaevta jańa elorda salýǵa kúsh-jiger de, sebep-dálel de jetkilikti deńgeıde tabyldy. Búgingi kún bıiginen qaraǵanda, osynyń barlyǵy tabıǵı jáne ózin ózi aqtaǵandaı bolyp kórinedi. Shyn máninde, munyń úlken kúsh-jiger men tabandylyqty talap etkeni shyǵar kúndeı aqıqat. Buǵan qosa, Prezıdentimiz Astanada jasalyp jatqannyń barlyǵy oblys ortalyqtarynda, al oblys ortalyqtarynda jasalyp jatqan sharýalar aýdan ortalyqtarynda istelýge tıisti degen bolatyn. Osylaısha, Astana oblystar men aýdandarǵa da ózgeshe bir serpin berip otyr. Sóıtip, búkil eldi meken elordamen boı túzeýge umtylys tanytýda. Osynyń barlyǵy, túptep kelgende, ortaq Otanymyzdyń ósip-órkendeýine ákeletin katalızatorǵa aınalýda. Qoryta aıtqanda, Astana elimiz úshin elorda ǵana emes, ózindik bir kóshbasshy, jol kórseter shamshyraq rólin de atqaryp otyr. Munda eń basty eńbek, árıne, Prezıdentimiz Nursultan Nazarbaevqa tıesili. QOSTANAI.