Qostanaı oblystyq aýrýhanasynyń perınataldyq ortalyǵynda salmaǵy 6 keli 700 gramm, boıy 69 santımetr qyz bala dúnıege keldi, dep habarlaıdy Egemen.kz Alau.kz basylymyna silteme jasap.
«Akýsherlik tájirıbede salmaǵy 4-5 keli bolatyn náreste «alyp sábı» bolyp sanalady. Alty keli nemese odan da kóp bala sırek kezdesedi», dep atap ótti perınataldyq ortalyq.
Qazirgi tańda ana men balanyń jaǵdaıy jaqsy. Áýlıekóldegi úıinde Aıarýdy ákesi, aǵasy jáne ápkesi kútip otyr.
«Anamnyń bosanýy jospar boıynsha, kesar tiligi arqyly ótti. Jańa týǵan náreste eki kún jansaqtaý bóliminde jatty. Qazir onyń ómirine qaýip tónip turǵan joq. Búginde anasy men sábıi ózderin jaqsy sezinedi. Qyzǵa Aıarý esimi qoıyldy», dedi dárigerler.
Áıgerim Doldasheva perınataldyq ortalyq dárigerlerine alǵysyn bildirdi.