Qazaqstannyń birinshi, álemniń 10-raketkasy Elena Rybakına AQSh-ta ótip jatqan Indıan-Ýells WTA 1000 týrnıriniń shırek fınalyna shyqty, dep habarlaıdy Egemen.kz QTF-ǵa silteme jasap.
Qazaqstandyq tennısshi tórtinshi aınalymda dúnıejúzilik reıtıngte 66-satyda turǵan reseılik Varvara Grachevamen sheberlik baıqasty.
Qarsylastar osyǵan deıin bir-aq ret kezdesip, onda Elena jeńgen bolatyn.
Bul joly birinshi partııada esep 3:3 bolǵan mezette Rybakına taǵy bir breıkpen alǵa shyqty. Sodan keıin taǵy bir breıkpen bitirdi. Esep – 6:3. Qazaqstandyq sportshy ekinshi sette qarqynyn údete tústi. Esep – 5:0. Aqyry tórtinshi matchbolyn paıdalana aldy. Esep – 6:0.
Elena Rybakına jartylaı fınalǵa shyǵý úshin álemniń 76-raketkasy, chehııalyq Karolına Mýhovamen kezdesedi.