«Qazgıdromet» Qostanaı men Ulytaý oblystarynda sý tasqyny qaýpi týraly eskertý jasady, dep habarlaıdy Egemen.kz.
«Qazgıdromet» málimetinshe, 2023 jylǵy 20 men 22 naýryz aralyǵynda aýanyń oń mándi temperatýrasynyń saqtalýy men ári qaraı joǵarylaý boljamyna baılanysty Qostanaı oblysyndaǵy eldi mekenderdi, sharýashylyq qurylystar men jergilikti mańyzy bar joldardy erigen qar sýlarymen sý tasqyny qaýpi bolýy múmkin. Qostanaı oblysynynyń ońtústiginde (Naýyrzym, Jangeldi, Amangeldi jáne Arqalyq q. aýdany) qarqyndy qar erýi, erigen qar aǵyndysynyń qalyptasýy, muzdyq qubylystardyń álsireýi, ózenderde sý deńgeıleriniń kóterilýi saqtalady, bul rette sýdyń jaıylýy jáne tasqyny bolýy múmkin.
«2023 jylǵy 20 men 21 naýryz aralyǵynda Ulytaý (Ulytaý, Jańaarqa aýdandarynyń soltústigi) oblysynda aýanyń oń mándi temperatýrasynyń saqtalýy men ári qaraı joǵarylaý boljamyna sáıkes qarqyndy qar erýi, erigen qar aǵyndysynyń qalyptasýy, muzdyq qubylystardyń álsireýi jáne ózenderde sý deńgeıleriniń kóterilýi saqtalady, bul rette sýdyń jaıylýy jáne tasqyny bolýy múmkin», delingen habarlamada.