AQJAIYQTAǴY SPORT MEREKESI

BIRLIK PEN TATÝLYQTYŃ BELGISINDEI BOLYP О́TTI Oral óńirinde qalyń kópshi­lik­tiń qoldaýyna ıe bolyp, dástúrli sharaǵa aınalǵan saıystyń biri – halyqtyq sport oıyndary. Gaze­ti­mizde buǵan deıin habarlan­ǵa­nyn­daı, “Aqjaıyq” fýtbol ko­man­dasy stadıonynda IV Halyq­tyq sport oıyndary saltanatty jaǵdaıda ashyldy. Oǵan Batys Qa­zaqstan oblysy ákiminiń oryn­ba­sa­ry Serik Súleımen, Batys Qa­zaq­stan oblysynyń týrızm, dene shynyqtyrý jáne sport bas­qar­masynyń bastyǵy Músilim Ońda­ǵanov qatysty. Bul kúni stadıon halyqqa lyq toldy. Ár aýdannan óz komandasyna jan­kúıer bola kel­gen jurtshylyqta esep bol­ma­dy. Naǵyz sport me­re­kesi osyn­daı-aq bolar! Qa­zaqstan Azamat­tyq alıansynyń “Birligimiz ja­ras­qan!” aksııasy aıasyndaǵy shara óte joǵary deńgeıde uıym­das­ty­rylǵan. Ár aýdannan kelgen ko­mandalar ózderi tiktirgen kıim úlgi­lerin kıip shyqqanda, kishigirim olımpıadaǵa qatysyp otyrǵandaı áser aldyq. Qazaqstan Respýblıkasynyń Prezıdenti júl­desi úshin ótetin respýb­lı­ka­lyq halyqtyq sport oıyndary bıyl shilde aıynda Oral qala­syn­da jalaýyn kóteredi. Oraldyqtar osy je­tistikke sport­taǵy tabystary ar­qyly qol jetkizdi. Sport — densaýlyq kepili. Sport  adamdy kúshtilikke, epti­lik­ke, sonymen qatar baýyr­mal­dyq pen izgilikke tárbıeleıdi. Sport  birlikti nyǵaıtady, ortaq maqsat pen múddege jumyldyrady. Al “birlik bar jerde tirlik bar” ekeni belgili. — Aqjaıyq óńirin mekendegen ult pen ulystardyń birligi, tatýlyǵy osyndaı ıgi sharalarda toptasý arqyly nyǵaıa túsedi. Sondyqtan mundaı sporttyq merekeniń mańyzy zor. Jyl ótken saıyn halyqtyq sport oıyndary dástúrge aınalyp, sportshylar­dyń qataryn kóbeıte bastady. Bul bizdiń salamatty ómir saltyn usta­na bastaǵanymyzdy kórsetedi. Deni saý halyq qana álemde ár­túrli sala boıynsha básekege túse alady. Deni saý halyqtyń ǵana bo­lashaǵy jarqyn, – dedi Serik Kenjebekuly. Budan soń uıymdastyrý komı­teti atynan barlyq jarysqa qa­ty­sýshylarǵa kádesyı tabys etildi. Saltanatty shara sońy oblystyq halyq shyǵarmashylyǵy ortalyǵy daıyndaǵan konserttik baǵdarla­ma­ǵa ulasty. Merekelik otshashý da sharanyń saltanatyn asyra tústi. Temir QUSAIYN. Batys Qazaqstan oblysy.