Qazaqstandyq áskerı joǵary oqý oryndarynyń komandasy TMD joǵary bilim berý uıymdary kýrsanttarynyń VII Halyqaralyq olımpıadasynda jaqsy nátıje kórsetti.
Armııa generaly A.V.Hrýlev atyndaǵy áskerı materıaldyq-tehnıkalyq qamtamasyz etý akademııasynyń bazasynda ótken zııatkerlik saıysqa Armenııa, Ázerbaıjan, Belarýs, Qazaqstan, Qyrǵyzstan, Reseı, Tájikstan jáne О́zbekstan áskerı joǵary oqý oryndarynyń kýrsanttary qatysty.
– Olımpıada úsh kezeńnen turdy. Birinshi kezeńde – kýrsanttar baǵdarlama jasaý mashyǵyn, ekinshisinde – keńse baǵdarlamalarymen jumys isteý qabiletin kórsetti. Úshinshi kezeń komandalyq boldy. Balalar aqparattyq saýattylyqtyń jaqsy deńgeıin kórsetti, – dedi komanda jetekshisi, Radıoelektronıka jáne baılanys áskerı-ınjenerlik ınstıtýtynyń jaratylystaný-ǵylymdary pánderi kafedrasynyń bastyǵy Raýshan Igilikova.
Olımpıada qorytyndysy boıynsha Radıoelektronıka jáne baılanys áskerı-ınjenerlik ınstıtýtynyń komandasy úshinshi orynǵa taban tiredi. Bul qaramda Qýanysh Erbaı, Dastan Qanat jáne Sergeı Lı syndy kýrsanttar bar.