Shyǵys Qazaqstan oblysyndaǵy shahtada jumysshy qaza tapty. Er adam óliminiń mán-jaıy men sebepterin arnaıy komıssııa anyqtap jatyr, dep habarlaıdy Egemen.kz.
25 naýryzda «Artemevskaıa» shahtasynda jumys isteıtin jumysshynyń máıiti tabyldy. Ol burǵylaýshynyń kómekshisi bolyp jumys istedi.
«Ne bolǵany ázirge belgisiz. Mundaı jaǵdaılarda komıssııa qurylady, onyń quramyna memlekettik jáne quqyq qorǵaý organdary, bizdiń mamandar kiredi. Komıssııa naqty ne bolǵanyn anyqtaıdy. Qazir men ólim kúıreýmen nemese basqa da tehnıkalyq aqaýlarǵa baılanysty emes ekenin naqty aıta alamyn», dedi KAZ Minerals tobynyń korporatıvtik baılanystar bóliminiń menedjeri Ermek Dıýzkenev.
Aıta keteıik, 2022 jyldyń qarasha aıynyń basynda Qaraǵandy oblysyndaǵy shahtada gaz tesigi shyǵyp, tórt adam qaza tapqan edi.