ASTANA. 30 maýsym. Astananyń jasyl beldeýin aralaǵan Memleket basshysy Nursultan Nazarbaev «Jasyl aımaq» memlekettik kásipornyna qarasty Qyzyljar orman sharýashylyǵynyń jumysymen tanysty. Bul týraly «QazAqparat» habarlady.
Nursultan Nazarbaev: «Barlyǵy da bul aǵashtar munda óspeıdi dep sanaǵan edi. Bul jer jaramsyz, tuzdy degender de boldy. Biraq, bizdiń ormanshylar men ǵalymdardyń birlesip durys ádis tabýy, tıisti kóshetterdi irikteýi nátıjesinde jaıqalǵan orman ósip kele jatyr», – dedi. Sondaı-aq, ol 2020 jylǵa deıin 100 myń gektar jerge aǵash otyrǵyzylatynyn jetkizdi.
Prezıdenttiń aıtýynsha, qazirgi tańda Qyzyljar orman sharýashylyǵy alqabynda 70 myń gektar jerge aǵash egilgen.
Joldybaı Bazar.
Derekkóz: «QazAqparat».
Foto: Astana.gov.kz.