Qaýiptiń beti qaıtpaı tur

Qardyń kúrt erýi – qashanda qaýipti. Qońyr kúzden beri qar­balasa qamdanǵanmen jylǵa iz­degen topan sýdyń qaı tarap­tan quıylaryn kúni buryn boljap bilý áste múmkin emes. Oblys or­talyǵyn jaryp ótetin Qyl­shaqty ózenindegi sý deńgeıi lyq­sı tolqyp, arnasynan asyp ketýge shaq tur. Jekelegen aýdandarda sý basý qaýpi bar. Qazir kommýnaldyq qyzmet sý tasqynyna qarsy tıisti sharalardy atqarýda. Aryqtar men sýótkizgish qubyrlar tazartylyp, ózendegi muz qopsytylýda. Keıbir jer úılerdiń janynda paıda bolǵan qyzyl sý sorylyp, tazartylyp jatyr.

– Bul sý ózen ańǵarymen emes, quba jonnan yldılaı quıylyp keldi, deıdi oblystyq tótenshe jaǵ­daılar departamentiniń bas­tyǵy Nurlan Atyǵaev, – qazir baqy­laý beketteri arqyly qada­ǵalaýdamyz.

Oblys ortalyǵynyń kósheleri qardan arylǵanymen, ıen daladaǵy taý-teńiz qardyń murty buzyla qoıǵan joq. Qazirgi tańda Astana ma­ńyndaǵy Qoıandy, Shubar, Qara­ótkel, Talapker, Raqymjan Qosh­qarbaev aýyldarynda qyzyl sý­dy qaýipsiz aımaqqa aǵyzyp ji­berý jumystary júrgizilýde. Turǵyndar kóshelerdi kólkigen sýdan aryltý haqynda ótinishterin jıi túsirýde.

Egindikól jáne Astrahan aýdan­darynda birshama qaýip bar. Astrahan aýdanynyń Eski Kolý­ton, Iаgodnoe, Jańa turmys, Jal­tyr jáne Qoskól aýyldarynda kól­­kigen kók sý mol. Qaýip te joǵa­ry. Sebebi, bul eldi meken­der sý aıdyndaryna jaqyn orna­lasqan.

– Jergilikti bıýdjetten kók­temgi sý tasqynyn aldyn alýǵa 8 mıllıon teńge qarastyrylǵan, deıdi Astrahan aýdany ákiminiń orynbasary Rýslan Muqanov, – sol qarajatqa qajetti ınertti materıaldar men janar-jaǵar maı satylyp alyndy. Aýdan ákim­shiligi aldaǵy ýaqytta seksenge jýyq arnaıy tehnıka satyp alýdy josparlap otyr.

Sýly, nýly Qorǵaljyn aýda­nynda 8 eldi mekendi sý basý qaýpi bar. Onyń ishinde Nura óze­nin jaǵalaı qonǵan Uıaly men О́r­kendeý aýyldarynyń turǵyndary alańdap otyr. Qaýipti aımaqta 194 úı men 13 mańyzdy nysan bar.

– Bizdiń óńirde avtomobıl jol­daryn da sý basyp qalýy múm­kin. Mundaı joldardyń qa­shyqtyǵy 800 metrdi quraıdy. Byltyr Qorǵaljyn aýylynyń Raqymjan Ma­dın jáne Shoq­met Áýbákirov atyndaǵy kóshe­lerdiń boıyndaǵy arnalar ke­ńeıtildi. О́rkendeý men Uıaly aýyl­daryndaǵy ózen ańǵarlary nyǵaıtyldy, – deıdi Qorǵaljyn aýdany ákiminiń orynbasary Ǵab­dy-Sabyr Muhameddı.

Sabyndy, Uıaly, О́rkendeý aýyl­darynda S-28 elektr da­byl­qaqqyshtary da ornatylyp­ty. 117 jolasty sý ótkizý qu­byr­­lary qardan arshylǵan. Qy­zyl sýdyń qaýpinen saqtaný jumystary Arshaly aýdanynda da júrgizilýde. Eldi mekenderden 528 669 tekshe metr qar shyǵarylǵan. Túrgen aýylynyń ja­nyn janaı ótetin Esil óze­niniń úsh ańǵarynda jarylys ju­­mystary júrgizilip, aǵyn sý­dyń joly ashyldy. Jibek joly aýylynda 300 tonna, Batpaqkól sý aıdynynyń jaǵalaýyn bekitý úshin 400 tonna ınertti materıaldar ázirlengen.

Kún qabaǵyna qaraǵanda kók­tem kúshine enip keledi. Kóksheniń saı-salasy da qyzyl sýǵa meldek­teı tolatyn ýaqyt alys emes. Son­dyqtan meılinshe saq bolǵan jón.

Aqmola oblysy