О́ńirdegi otandyq jáne sheteldik kompanııalar da maıdangerlerge áleýmettik qoldaý kórsetý men emdelýine demeýshilik tanytýdan shet qalǵan emes. Jeńis merekesi qarsańynda Adjıp QKO kompanııasy oblystyq ákimdikpen birlesip, soǵys jáne tyl ardagerleriniń bir tobyna shıpajaılarda em alý joldamalaryn tapsyrdy. Sóıtip, endi 20 ardager “Geolog Kazahstana” jáne 55 ardager “Atyraý” shıpajaıynda dem alatyn boldy.
– Biz, – deıdi kompanııanyń jergilikti bılik organdarymen baılanys jónindegi menedjeri Serik Idranov, – Jeńistiń qandaı qıynshylyqpen kelgenin, búgingi beıbit ómir úshin janqııarlyq tanytqan maıdangerlerimizdiń erligin eshqashan umytpaımyz. Maıdangerlerdiń erligin ár kez ónege tutamyz, aramyzdaǵy ardagerlerge únemi qurmet kórsetýge daıynbyz.
Joldasbek ShО́PEǴUL.
Atyraý oblysy.