Astanada Qorǵaljyn tasjoly aýdanynda tórt avtokólik jol apatyna ushyrap, biri aýdarylyp qalǵan, dep habarlaıdy Egemen.kz.
«10 sáýirde saǵat 09:48 shamasynda Toyota Land Cruiser Prado kóliginiń 37 jastaǵy júrgizýshisi Qorǵaljyn tasjoly boıymen kele jatyp, jolaqty aýystyrý kezinde kólikke jol bermeı, Toyota Camry kóligimen soqtyǵysqan. Soqqy saldarynan kólik aýdarylyp qaldy», delingen jergilikti polısııa taratqan habarlamada.
Aıta ketsek, Toyota Land Cruiser Prado kóligi ınersııa saldarynan taǵy eki kólikpen soqtyǵysqan.
Polısııa departamenti zardap shekkender men qurbandar joq ekenin málimdedi. Qazir jol apaty boıynsha tergeý amaldary júrgizilip jatyr.