Qazaqtyń iri tulǵalarynyń biri, Alash partııasynyń kósemi Álıhan Nurmuhameduly Bókeıhannyń sýreti tabyldy.
Sýret Omby memlekettik tarıhı-ólketaný murajaıynyń qorynda saqtalyp kelgen. Dálirek aıtqanda, ol Imperatorlyq orys geografııalyq qoǵamy Batys Sibir bólimi tarapynan qaralǵan iske baılanysty jınaqtalǵan qujattar arasynan shyqqan. Fotosýretti «Omby ekspedısııasy» degen atpen ǵylymı zertteý jumystaryn júrgizgen Qazaqstan ǵalymdary tapqan.
Ekspedısııa jumysyna tarıh ǵylymdarynyń doktory, «Eýrazııa» gýmanıtarlyq zertteýler ǵylymı ortalyǵynyń dırektory Zııabek Qabyldınov, tarıh ǵylymdarynyń kandıdaty, etnograf Sulýshash Qurmanova jáne L.N.Gýmılev atyndaǵy Eýrazııa ulttyq ýnıversıtetiniń PhD doktoranty, «Alash» mádenıet jáne rýhanı damý ınstıtýtynyń ǵylymı qyzmetkeri Erkin Rahmetýllın, L.N.Gýmılev atyndaǵy Eýrazııa ulttyq ýnıversıtetiniń «Alash» ǵylymı zertteý ortalyǵynyń dırektory Sultan Han Aqquly atsalysqan. «Alash» ǵylymı zertteý ortalyǵynyń dırektory Sultan Han Aqquly jazǵandaı, arhıvtegi sýret saqtalǵan qujattarda «Pavlodarskaıa tıýrma, 1908 god» degen jazý bolǵan.
Sýretke qazaq kósemi orys sharýalarynyń HIH ǵasyrdyń sońy men HH ǵasyrdyń basyndaǵy tarıhı kezeńge tán kıetin jeıdesin, onyń ústinen jeńil qazaqy shapanyn, basyna orys shlıapasyn kıip túsken.
Joldybaı Bazar.
Derekkóz: qazaquni.kz. Foto: qazaquni.kz.