Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń uıymdastyrýymen zorlyq-zomlyqqa qarsy qylmystarǵa qarsy kúres taqyrybynda baspasóz máslıhaty ótti, dep habarlaıdy Egemen.kz.
Ulttyq komıssııa sot-psıhologtar, balalardan jaýap alý ádisteri jáne jeke polısııa bólimderi, jynystyq zorlyq-zombylyqpen kúresý boıynsha máselelerdi qarastyrdy.
Aıman Omarova osy saladaǵy mamandardy daıyndaý jáne kásibı bilim berýge qatysty pikir bildirip, sot psıhologtarynyń bolýy mańyzdy ekenin aıtty. Ári Ulttyq komıssııa ókilderi sot-psıhologtardy daıarlaý úshin oqý kýrsyn daıyndaıtynyn jetkizdi.
Sonymen qatar, ol zorlyq-zombylyq máselesin de kóterdi.
«Eń úlken másele – zorlyq-zombylyqqa qarsy qylmystyq isterdi tergeıtin polısııa bólimsheleriniń joqtyǵy. Kóbine bundaı ister dáleldemelerdiń durys emes ýaqytta alynýynan, saraptama ýaqytynda taǵaıyndalmaýynan jáne osyǵan uqsas sebeptermen toqtatylady. Sondyqtan biz zorlyq-zombylyqqa qatysty isterdi tergeıtin jeke departamentter qurýdy usynamyz», dedi spıker.
Taǵy bir mańyzdy usynys - kámeletke tolmaǵandardy jaýapqa alý ádistemesin ázirleý.
«Qujatty teoretıkter emes, ony is júzinde jasaıtyn adamdar ázirleýi kerek. О́ıtkeni jas balalardan jaýap alǵan kezde olar 10 ret: «Zorladyńyz ba, zorlamadyńyz ba?» dep suraıdy. Kishkentaı balaǵa úlkendermen jıi qoıylatyn suraqty qoıýǵa bolmaıdy», dedi ol.
Advokat Aıman Omarova mundaı jaǵdaılarda sot-medısınalyq saraptamany saýatty júrgizý qajettigin alǵa tartty.
Qorytyndylaı kele, Aıman Ýmarova Ulttyq komıssııa balalar quqyqtary jónindegi ombýdsmenderdi oqytýdy da daıyndaıtynyn aıtty.