Sınoptıkter 26 sáýirge arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» sınoptıkteri usynǵan málimetke sáıkes, respýblıkanyń batysynda atmosferalyq frontaldy ýchaskelerdiń ótýimen naızaǵaı oınap, jańbyr jaýady.
«Kúndiz Atyraý oblysynyń ońtústiginde qatty jańbyr jaýady, Shyǵys Qazaqstan oblysynda túnde jańbyr men qar túrindegi jaýyn-shashyn, kúndiz jańbyr jaýady», delingen habarlamada.
Respýblıka boıynsha ońtústikte, ońtústik-batysta jáne batysta – shańdy daýyl kútiledi.
Soltústikte, Jetisý oblysynyń taýly aımaqtarynda túnde 2-7 gradýs aıaz saqtalady.
Astanada – kóshpeli bult shyǵady, biraq jaýyn-shashyn kútilmeıdi. Ońtústik-batystan soǵatyn jel túnde 2-7, kúndiz 7-12 m/s. Aýa temperatýrasy túnde +4+6°S, kúndiz +22+24°S.