“EKO-ORTALYQ” JEŃIMPAZ ATANDY

Jaqynda jyl saıyn ótetin “BG GROUP basqarma tóraǵasynyń nagradasy” baıqaýynyń qorytyndy sharasynda “Qorshaǵan or­ta kúzetshisi” sanatynda joǵary marapatqa “Eko-orta­lyq” jobasy ıe boldy. Jobany Qa­ra­shyǵanaq munaı-gaz kondensatty ken or­nyn­daǵy “Qa­rashyǵanaq Petrolıým Opereıtıng B. V.” halyqaralyq konsorsıýmy júzege asyrǵan bolatyn. Dástúrge engen “BG GROUP basqarma tóra­ǵasynyń nagradasy” baıqaýynyń basty maq­sa­ty – álemniń túkpir-túkpirinde ornalasqan “BG GROUP” kompanııasynyń bólimsheleriniń ujymdyq jaýapkershiligi ishinde, eńbek pen óndiristi, jalpy qaýipsizdik pen qor­shaǵan or­tany qorǵaýda joǵary kórsetkishterge qol jetkenderdi moıyndap, olardy qurmetteý bolyp tabylady. Bıyl konkýrsqa qatysýǵa 122 ótinish túsken kórinedi. Al nagradany tapsyrý sal­ta­naty Ulybrıtanııadaǵy Wisley, Royal Hortti­cultural Societyes garden-de ótti. Aldymen baıqaý jeńimpazdaryn qurmetteýge jáne quttyqtaý maqsatymen “BG GROUP” kompanııasynyń basqarma tóraǵasy, ser Robert Vılson sóz aldy. “Úmitkerlerdiń ótinishteri bizge úlken áser qaldyrdy. Olar bizdiń iskerlik tujyrymdarymyzdy beıneleýmen qatar, kompanııamyzdyń negizgi qyzmetin kórsetedi. Sondaı-aq qorshaǵan ortany qorǵaý, adam densaýlyǵy, qaýipsizdik tehnıkasy jáne qoǵamdyq jaýapkershilik sekildi mańyzdy sa­nattarda “BG GROUP” ustanǵan basym ba­ǵyt­tardy aıqyn kórsetedi, dedi konkýrs qory­tyndysyna baǵa bere kele ser Robert Vılson. “QPO”-nyń bas dırektory Djýzeppe Pazı QPO komandasyn baıqaýdaǵy jeńisterimen quttyqtaı otyryp, “Eko-ortalyq” jobasyn júzege asyrýǵa úles qosýshylarǵa alǵysyn jet­kizdi. Jeńisti baıqaýdy sóz ete otyryp, Djý­zeppe Pazı bylaı dep atap ótti. “QPO-nyń ekologııalyq ortalyǵy bizdiń qorshaǵan ortany qorǵaý jáne tabıǵı baılyqtardy tıimdi qoldaný máseleleri boıynsha mindettemelerimizdiń bir ǵana bóligi-tin. Biz úlken jumys atqardyq. Ol ónimdilikti joǵarylatýǵa, qorshaǵan ortany qor­ǵaýdaǵy kórsetkishterimizdi odan ári jaqsartýǵa múmkindik berip otyr. Al nagradaǵa kelsek, ol bizdiń tamasha óndirisimiz ben bastama­larymyzdyń oryndy baǵalanǵany”, dedi ol. Qarashyǵanaq ken ornyndaǵy “Eko-or­talyq” 2009 jyly ashylǵan bolatyn. QPO-nyń qaldyqtardy qysqartý jáne olardy qaıta óńdeý boıynsha júrgizgen baǵdarlamasy sheńberinde ótkizildi. Álemdik deńgeıdegi bul nysan óndiris qaldyqtaryn paıdaǵa asyrýdyń qaýipsizdigin, munaı burǵylaý kezinde qalatyn suıyq jáne qatty qaldyqtardy joıý men qaıta óńdeýdi qamtamasyz etedi. QPO-nyń “Eko-ortalyǵy” óziniń quramyna qandaı nysandardy engizgendigin aıta keteıik. Mysaly, kereksiz qaldyqtardyń termome­ha­nı­kalyq óńdeýin ornatý, onda burǵylaý qal­dyq­tarynyń qaýipsiz jáne tıimdi óńdeý júrgiziledi. Burǵylaý eritindilerin óńdeýde jáne aralas­tyrýdyń kesheni bolyp tabylatyn burǵylaý eritindileriniń zaýyty, munaı ónimderimen lastanǵan sýdy tazalaıtyn jerde suıyq qaldyqtarǵa qondyrǵy ornatý, qubyrlardyń kúrdeli jóndeýden ótkizý kezinde paıda­la­nylǵan rassoldy qaıta qoldaný úshin qaıtadan óńdeý, sondaı-aq sý negizindegi burǵylaý eritindilerin qaıta óńdeý kiredi. Ol burǵylaý kezinde shy­ǵatyn kereksiz qaldyqtar bolyp tabylmaıtyn zattar, munaı ónimderimen jáne qatty qal­dyqtarmen lastanǵan nárselerdi óńdeý júr­gi­ziletin jerdegi aınalmaly peshke qoldanylady. Endigi jerde QPO ózge de múmkindikterimen qosa qymbat bazalyq maıdy shyǵaryp alyp, ony qaıtadan qoldana alatyn bolady. Bul qym­bat maı munaıly negizdegi burǵylaý eri­tin­dileriniń 65 paıyzyn quraıdy. Bazalyq maıdy sýdan súzip, osy arqyly saqtaýǵa arnalǵan alańdaǵy qaldyq kólemin tómendetýge múmkindik týady. Búgingi tańda QPO-nyń “Eko-ortalyǵy” aımaǵynda qatty qaldyqtardy saqtaýǵa arnal­ǵan stasıonarly polıgon salyný ústinde. Venera TÚGELBAI.