Erteń elimizde aýa raıy qandaı bolady?

«Qazgıdromet» RMK-nyń málimetinshe, batysta, ońtústik-batysta jańbyr jaýady. Mańǵystaý oblysynda keı ýaqytta  qatty jaýyn bolady.   Shyǵysta jáne ońtústik-shyǵystyń taýly aımaqtarynda jaýyn-shashyn kútiledi. Almaty oblysynda keı ýaqytta qatty jaýyn-shashyn bolady. «Qazaqstanda jel kúsheıip, respýblıkanyń batysynda, ońtústiginde, ońtústik-shyǵysynda kún kúrkirep, ońtústik-shyǵystyń taýly aımaqtarynda burshaq jaýýy múmkin. Soltústik pen shyǵysta tuman, ońtústik-batys pen ońtústikte shańdy daýyl bolady», delingen habarlamada.

Astanada kóshpeli bult shyǵady, jaýyn-shashynsyz. Soltústik-shyǵystan ekpini sekýndyna 3-8 metr jel soǵady. Aýa temperatýrasy túnde 1-3 gradýs aıaz, kúndiz 13-15 gradýs jyly.

Almatyda kóshpeli bult shyǵady, jaýyn-shashynsyz. Soltústik-shyǵystan ekpini sekýndyna 3-8 metr jel soǵady. Aýa temperatýrasy túnde 6-8, kúndiz 15-17 gradýs jyly.

Shymkentte kóshpeli bult shyǵady, jaýyn-shashynsyz. Shyǵystan soǵatyn jeldiń ekpini sekýndyna soltústik-shyǵystan 8-13 metr, kúndiz 15-20 metr bolady. Aýa temperatýrasy túnde 12-14, kúndiz 24-26 gradýs jyly bolady.