Úkimettiń búgingi otyrysynda Saýda jáne ıntegrasııa mınıstri Serik Jumanǵarın otandyq naryqtaǵy baǵany turaqtandyrý tetikterine toqtalyp, bıyl tarıftik/tarıftik emes retteýdiń ýaqtyly sharalary oń nátıje bergendigin aıtty, dep habarlaıdy Egemen.kz.
Mınıstrdiń aıtýynsha, kúnbaǵys tuqymyna kedendik baj salyǵyn engizý arqyly óndirýshilerde kúnbaǵys maıynyń baǵasyn turaqtandyrýǵa múmkindik týdy. Qazirgi ýaqytta óńdeý kásiporyndarynda jáne saýda oryndarynda kúnbaǵys maıy baǵasynyń tómendeý dınamıkasy baıqalyp otyr.
«Pııaz baǵasyn mysal retinde alýǵa bolady. Eske salsaq, pııazdyń agressıvti eksportyn boldyrmaý úshin 3 aıǵa eksportqa tyıym salynǵan, keıinen bul tyıym kvotaǵa aýystyryldy. Bul shara halyqty pııazben qamtamasyz etýge múmkindik berdi jáne aldyńǵy jyldardaǵy qyryqqabat pen kartop sııaqty kókónistiń qymbattap ketýine jol bermedi», dedi mınıstr.
Vedomstvo basshysy atap ótkendeı, qazirgi ýaqytta 2024 jyldyń maýsymaralyq kezeńin qamtamasyz etý úshin bıylǵy kúzgi eginge baılanysty kelisimsharttar jasalyp jatyr. Qazirdiń ózinde 90 myń tonnaǵa jýyq ónim jınalǵan.
«Jergilikti atqarýshy organdar kelesi jyldyń maýsymaralyq kezeńindegi kelisimsharttardy jasaýdy jyldamdatýy kerek», dep túıindedi Serik Jumanǵarın.