Saýda jáne ıntegrasııa birinshi vıse-mınıstri Arman Shakqalıev jumys saparymen Jambyl oblysyna kelip, óńir turǵyndarymen kezdesti. Sondaı-aq ol tuńǵysh ret Áýlıeata tórinde uıymdastyrylǵan «Zhambyl Economic and Investment Forum-2023» halyqaralyq ekonomıkalyq ınvestısııalyq forýmyna qatysty.
Turǵyndarmen kezdesý barysynda A.Shakqalıev áleýmettik mańyzy zor azyq-túlik taýarlarynyń baǵasyn retteý baǵytynda atqarylyp jatqan jumystar týraly jan-jaqty áńgimeledi. Sonymen qatar kásipkerler tarapynan qoıylǵan saýaldarǵa jaýap berdi.
Birinshi vıse-mınıstrdiń sózine sensek, Úkimet negizgi azyq-túlik baǵasynyń ósý qarqynyn toqtatýǵa den qoıyp otyr. Keıingi birneshe aptanyń bederinde baǵanyń sharyqtaýy 0,1 paıyz sheginde bolǵan. Jyl basynan beri 3,4 paıyzdy quraǵan. Bıylǵy maýsymaralyq kezeńde 139,5 myń tonna ónim qalyptastyrylyp, búginge deıin 58,4 myń tonna ónim satylǵan. Onyń ishinde kartop 27,5 myń tonna, sábiz 11 myń tonna, pııaz 10 myń tonna, qyryqqabat 9,9 myń tonnaǵa jetken.
Basqosý barysynda óńir turǵyndary bazarlardy jańǵyrtý, jergilikti ónimderdi satý boıynsha týyndaǵan máselelerdi kóterdi. Naqtyraq aıtsaq, «Jibek joly» bazarynyń basshysy Saıat Janbolatov bazarlardy jańǵyrtý máselesine toqtaldy. Atap aıtqanda, bazar ıelerine nysandy zamanaýı formatqa keltirý úshin qandaı memlekettik qoldaýdy paıdalanýǵa bolatynyn surady.
О́z sózinde A.Shakqalıev mınıstrlik memlekettik qoldaý quraldaryn iske qosý boıynsha jumys júrgizip jatqanyn habarlady. Aýdany keminde bir myń sharshy metr saýda, oıyn-saýyq ortalyqtaryn qospaǵanda, saýda qyzmetindegi qurylys, saýda ortalyqtaryn, qazirgi zamanǵy formattaǵy saýda obektilerin jáne kópfýnksıonaldy keshenderdi keńeıtý jobalary syıaqysynyń paıyzdyq mólsherlemesiniń bir bóligin sýbsıdııalaý boljanyp otyrǵanyn aıtty.
Kezdesýde sóz alǵan «Kókjıek-2030» JShS Bas dırektory Ábdiqalı Begimbetov óz ónimin sata almaı otyrǵanyn jetkizdi. Bul másele mezetinde sheshimin tapty. «Nurıslam» sýpermarketiniń dırektory Serik Qarymsaqov sút ónimderin qabyldaýǵa daıyn ekenin aıtyp, «Kókjıek-2030» JShS dırektorymen jan-jaqty áńgimelesýge daıyn ekenin jetkizdi. О́ńir turǵyndarymen kezdesý sońynda BAQ ókilderiniń qatysýymen brıfıng uıymdastyrylyp, jýrnalıster tarapynan qoıylǵan saýaldarǵa A.Shakqalıev jan-jaqty jaýap berdi.
Issapar barysynda Arman Shakqalıev pen Taraz qalasynyń ákimi Baqytjan Orynbekov qaladaǵy «Nurıslam» saýda jelisine bardy. Saýda obektilerindegi baǵamen tanysqan birinshi vıse-mınıstr memleket tarapynan kásipkerlikti keńinen qoldaý jalǵasatynyn atap ótti. Sondaı-aq Arman Shakqalıev Qordaı aýdanynda ornalasqan kókónis qoımasynyń qyzmetimen tanysty. Kompanııa pııazdy saqtaýǵa mamandanǵan. Keıinnen birinshi-vıse-mınıstr Qordaı aýdany ákimdiginde óńir basshylarymen kezdesip, onda aýyl sharýashylyǵy óndirýshilerinen ónimdi satqanǵa deıin saqtaýǵa kelisimshart jasaýǵa múmkindik beretin forvardtyq satyp alý máselelerin talqylandy.
A.Shakqalıev óńirge issapary barysynda «Zhambyl Economic and Investment Forum-2023» halyqaralyq ekonomıkalyq ınvestısııalyq forýmynyń plenarlyq otyrysyna, «Qazaqstannyń úzdik taýary» kórme-konkýrsy jeńimpazdaryn marapattaý rásimine qatysty.
Jambyl oblysy