Astanada 4 jáne 5 mamyr kúnderi qalalyq emhanalarda saǵat 9:00-den 14:00-ge deıin Dúnıejúzilik bronh demikpesimen kúres kúnine arnalǵan Ashyq esik kúni ótedi, dep habarlaıdy Egemen.kz elorda ákimdiginiń resmı saıtyna silteme jasap.
DDU málimeti boıynsha, búkil álemde 339 mıllıonnan astam adam demikpemen aýyrady. Demikpeni tolyqtaı emdeý múmkin emes, biraq aýrýdy baqylaýda ustap, qolaıly ómir súrýge bolady.
Astana turǵyndary kúni boıy densaýlyqty keshendi zertteý sheńberinde bronh demikpesiniń órshý qaýpi faktorlaryn anyqtaı alady: antropometrııalyq derekterdi ólsheý (boıy, salmaǵy, dene salmaǵynyń ındeksi), qandaǵy glıýkoza men holesterın deńgeıin anyqtaý, qan qysymynyń deńgeıi, tynys alý júıesiniń qyzmetin baǵalaý (spırometrdiń kómegimen) jáne t.b. qyzmetter arqyly profılaktıkalyq zertteýden ótedi.
Shara 4 mamyr kúni №4, 5, 6, 10 qalalyq emhanalarda, 5 mamyr kúni №7, 8, 9, 13 qalalyq emhanalarda uıymdastyrylady.