Ǵasyrmen qurdas qarııa

Jalpy, óńirde Jeńistiń 78 jyl­dy­ǵyn merekeleý qarsańynda aza­mattardyń jeke­legen sanattaryna áleý­mettik kó­­mek kórsetýge jergilikti bıýd­jetten 222,7 mln teńge kóleminde bir­jolǵy materıaldyq kómek tóleý jos­parlanǵan. Ekinshi dúnıejúzilik soǵysqa qatysýshylarmen qatar, bu­rynǵy KSRO-ny qorǵaý, áskerı qyz­mettiń ózge de mindetterin atqarý ke­zin­de jaralanǵan, mertikken, múgedek bolǵan – 137, memlekettik qaýipsizdik jáne ishki ister organdarynyń basshy jáne qatardaǵy quramynda qyzmet etken – 7, sondaı-aq tájik-aýǵan shekara ýchaskesinde tapsyrmalar oryndaǵan – 412, Taýly Qarabaqta etnosaralyq qaqty­ǵysty retteýge qa­tysqan – 64 jáne bas­qa da sanat­taǵy áskerı qyzmet­shi­­lerge qarjylaı materıal­dyq kómek kór­setiledi.

Sonymen qatar jyl basynan oblys boıynsha Ekinshi dúnıe­jú­zilik soǵysynyń 10 qatysýshysy men mú­gedegine kommýnaldyq qyzmet (onyń ishinde jylytý, ystyq jáne sýyq sý, gaz ben elektr toǵy) aqysy úshin aı sa­ıyn 3 aı­lyq eseptik kórsetkish mól­sherinde tólem júrgiziledi. So­ǵys­qa qatysýshylar men múgedekter qajetine qaraı estý apparatyn, sanatorlyq-kýrorttyq joldamany, qo­larbany, baldaqty, protezdik-orto­pedııalyq buıymdy, t.b. túr­li teh­nıkalyq qosalqy, kómekshi, gıgıe­na­lyq quraldardy birin­shi kezekte alady.

Maıdanǵa Talǵar aýdanynan 2389 azamat attanyp, onyń 1441-i qaza tapqan nemese habar-osharsyz ketken. Eren erlik kórsetken talǵarlyq Nıkolaı Vorobev pen Nıkolaı Bedrenko Keńes Odaǵynyń Batyr­y atanǵan. Al Vasılıı Baben­ko, Mıhaıl Isaev, Alpysbaı Qýanyshev «Dańq» ordenin alyp, el me­re­ıin ústem etken.

Osy kúni Talǵar aýdanynda Ekinshi dúnıejúzilik soǵysqa qa­tys­qan jalǵyz ardager – Legostaev Vıacheslav Feodrovıch qalǵan. 1923 jyly Talǵar qalasynda dúnıege kelgen ol 7 jyldyq bilimmen 1942 jyl­dyń kókteminde maıdan shebi­ne at­tanady. Alǵash Ashhabadtaǵy jaıaý ásker ýchılıshesin támamdap, Ka­lı­nın maıdanyna qatysyp, Hollı, Nevel, Velıkıe Lýkı qalalaryn jaýdan azat etýde erlik kórsetedi. Budan ári moto­at­qysh­tar, mı­no­mentshiler vzvod­­tarynyń komandıri bolǵan V.Legostaev Rýdne qalasynda aýyr ja­ra­qat alyp, elge oralady. Talǵar qala­syndaǵy aýylsharýashylyq tehnıkýmyn támam­dap, agronom ma­man­dyǵy boıynsha abyroıly eńbek etedi. Keıin qarjy salasynda qyzmet ete jú­rip, zeınet jasyna shyq­qan soǵys ar­dagerin el-jurty ár kez qurmetteıdi.

Aldaǵy kúzde 100 jasqa tolatyn ar­da­ger V.Legostaev Otan soǵy­synyń I jáne II dárejeli ordenderimen jáne mereıtoılyq medaldarmen mara­pat­talǵan.

Almaty oblysy