“Rıksos” Prezıdenttik otelinde Iordan Hashımıttik Koroldigi táýelsizdiginiń 64 jyldyǵyna arnalǵan saltanatty jıyn bolyp ótti. Ony osy eldiń Qazaqstandaǵy elshiligi uıymdastyrdy.
Saltanatty jıynda Iordan Hashımıttik Koroldiginiń Qazaqstan Respýblıkasyndaǵy Tótenshe jáne ókiletti elshisi Slaıman Arabıat pen Qazaqstan Respýblıkasynyń Aýyl sharýashylyǵy mınıstri, Qazaqstan men Iordanııa arasyndaǵy vedomstvoaralyq komıssııanyń basshysy Aqylbek Kúrishbaev sóz alyp, ekijaqty qarym-qatynastyń jaqsy jaǵdaıda damý ústinde ekendigin aıtty.
Buǵan eki el memleket basshylarynyń resmı saparlary negiz qalaǵan bolatyn. Qazaqstan Respýblıkasynyń Prezıdenti Nursultan Nazarbaev Iordanııada resmı saparmen boldy. О́z kezeginde Iordanııa Koroli Abdalla II de Qazaqstanǵa kelip qaıtty. Eki el memleket basshylarynyń arasynda dostyq qarym-qatynas qalyptasqan.
Qazaqstan Respýblıkasy Prezıdentiniń keńesshisi Qaırat Sarybaı jáne de elimiz Parlamentiniń depýtattary men jýrnalıster, memlekettik qyzmetkerler men Astanadaǵy elshilik ókilderi qatysqan jıynda Qazaqstan men Iordanııanyń ánurandary oryndalyp, Iordanııa týraly beınefılmder kórsetildi, eldiń ulttyq dástúrlerinen aqparattar berildi.
Suńǵat ÁLIPBAI.