Elordadaǵy Ulttyq mýzeıde «Ulttyq ıgilik balalar úshin» atty «Meıirim» balalar shyǵarmashylyǵynyń V ınklıýzıvti mýzeılik festıvali ótti.
Is-sharanyń basty maqsaty – erekshe bilimdi qajet etetin balalardyń shyǵarmashylyq qabiletin arttyrý, olardyń daryny men mádenı ereksheligin damyta otyryp, ınklıýzıvti qoǵamda táýelsiz ómir súrýine yqpal etý. Festıvalge túrli ortalyqtar men qoǵamdyq birlestikterden, arnaıy mektepterden 80-nen asa bala qatysty. Mýzeıdiń pedagogıka bóliminiń qyzmetkerleri ár balanyń qabiletine saı «Kıiz basý óneri», «Úı tumaryn jasaý», «Ermeksazben sýret», «Birge sýret salamyz», «Qolsómkesin boıaý», «Sazterapııa» sheberlik sabaqtaryn ótkizdi.
– «Meıirim» balalar festıvali – elimizdegi eń mańyzdy is-sharalardyń biri. Ulttyq mýzeı bul festıvaldi múmkindigi shekteýli balalardyń shyǵarmashylyǵyn shyńdaý maqsatynda besinshi jyl qatarynan ótkizip keledi. Ony uıymdastyrýǵa demeýshiler qoldaý kórsetti. Zaǵıp jandar úshin arnaıy kórme uıymdastyrdyq. Qundy eksponattar qoıyldy. Balalar olardy qolmen ustap, sezine alady. Estý qabileti nashar balalar úshin sýrdoaýdarmalar jasadyq. Múmkindigi shekteýli balalardyń qoǵamǵa beıimdelýi úshin barynsha qoldaý kórsetýimiz kerek. Eger jylylyq pen mahabbat syılaı alsaq, olardyń ómiri jarqyn bolary anyq, – dedi Ulttyq mýzeı dırektorynyń mindetin atqarýshy Aqmaral Ibraeva.
Festıvalge qatysýshylarynyń biri – Marat Rahym. Anasy Asyl Aıashevanyń aıtýynsha, ol 7-synypta oqıdy. Sabaq úlgerimi de jaqsy. Biraq serebraldy sal aýrýymen, ıaǵnı DSP-men aýyrady.
– Biz bul festıvalge alǵash ret qatystyq. Is-shara erekshe unady. Balalar bı bılep, án aıtyp, sazben túrli buıymdar jasady. Múmkindigi shekteýli balalarǵa arnalǵan osyndaı is-sharalar jıi uıymdastyrylsa deımiz. Olar bir sát úıden shyǵyp, kóńil kúıin kóteredi, – deıdi Asyl Aıasheva.
Balalar festıvalge belsene qatysty. Olardy yntalandyrý úshin alǵys hattar men syılyqtar berildi. Múmkindigi shekteýli balalarǵa arnalǵan festıval aldaǵy ýaqytta da jalǵasyn tabady.
Mereı AÝǴALI,
L.N.Gýmılev atyndaǵy EUÝ stýdenti