Búginde Qazaqstannyń bes ózeninde ǵana sapaly sý bar. Ekologııa mınıstrligi usynǵan derekterge sáıkes, eldegi 24 ózen men 4 sý qoımasy shekten tys lastanǵan. Qazirgi ýaqytta olardyń sýyn paıdalaný múmkin emes, dep habarlaıdy Egemen.kz.
«Qazaqstan» ulttyq arnasy habarlaǵandaı, bul týraly Ekologııa mınıstrligi ázirlegen aldaǵy jyldarǵa arnalǵan sý sharýashylyǵy júıesin damytý tujyrymdamasynyń jobasynda aıtylǵan.
Atalmysh qujatta Qazaqstannyń 28 sý obektisin qandaı da bir jolmen paıdalanýǵa bolmaıdy delingen.
Mınıstrlik ókilderi túsindirgendeı, ózen men sý qoımalary eldegi taý-ken, metallýrgııa, hımııa ónerkásibteri jáne aýyl sharýashylyǵy men kommýnaldyq sharýashylyqtyń áserinen lastanyp jatyr.