Túrikmenstan astanasy Ashhabad qalasynda 12 jasqa deıingiler arasynda ITF Asia 12&U Team Championships chempıonatynyń Ortalyq Azııa boıynsha irikteý saıystary aıaqtaldy, dep habarlaıdy Egemen.kz.
Qazaqstan tennıs federasııasy baspasóz qyzmetiniń málimetine súıensek, kishkentaı tennısshiler tamasha oıyn kórsetken.
Komandalyq saıysta el namysyn myna oıynshylar qorǵady:
Uldar: Ahmádı Maqanov (Aqtóbe), Nurdáýlet Balqan (Aqtaý), Arnur Tursynhan. Kapıtany – Anton Mıhaılov.
Qyzdar: Iаsmın Dúısembaeva (Ekibastuz), Ámına Nurmahan, (Almaty), Nuraı Baıseıit. Kapıtany – Evgenııa Sýshkova.
Qazaqstandyq qyzdar О́zbekstan, Qyrǵyzstan, Túrikmenstan, Tájikstan quramalarymen tórt kezdesý ótkizip, bárinde de qarsylastaryna birde-bir set bermeı, 3:0 esebimen jeńiske jetti.
Uldar da О́zbekstan, Qyrǵyzstan, Túrikmenstan, Tájikstan jáne Aýǵanstan komandalaryn sondaı eseppen qapy qaldyrdy – 3:0.
Osylaısha, Qazaqstan qyzdar jáne uldar quramasy bıyl kúzde 12 jasqa deıingiler arasynda Almatyda ótetin Azııa komandalyq chempıonatyna joldama aldy.