Azamattyq avıasııa komıteti Pákistannyń avıasııalyq bıligimen birlesip SCAT áýe kompanııasynyń Pákistanǵa turaqty jolaýshylar reısterin ashý máselesi talqylandy, dep habarlaıdy Egemen.kz Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
Reıs 2023 jylǵy 8 shildeden bastap aptasyna 2 ret: sársenbi jáne senbi kúnderi Almaty – Lahor baǵyty boıynsha ushady. Ol úshin Voeing 737 áýe kemesi qarastyrylǵan.
«Qazaqstan men Pákistan arasynda áýe qatynasyn ashý elder arasyndaǵy saýda-ekonomıkalyq, ınvestısııalyq, týrıstik jáne mádenı yntymaqtastyqty damytýdy jedeldetýge múmkindik beredi», dep jazylǵan habarlamada.