Qurylys jumysyndaǵy salǵyrttyq

О́ńir basshysy Aıdarbek Sapa­rov jýyrda birqatar qurylys ny­san­daryna kútpegen jerden baryp, jumys barysymen, olar­dyń máselelerimen tanysty. Aldy­men ol «Iýjnyı» shaǵyn aýdanyna bardy. Mundaǵy qurylys 1 myńǵa jýyq jer úı salynatyn telimnen turady. Qazir munda jaryq tartý jumystary júr­gizilýge tıis-tin. Iske jaýapty – jergilikti «Elektromontaj» aksıo­nerlik qoǵamy. Alaıda ákim bastaǵan basshylar men qosshy­lar barǵanda munda ne tehnıka, ne ony júrgizetin adam, ne qury­lys­shylar kórinbedi. Oblys ákimi merdigerdiń jumysynyń sal­ǵyrttyǵyna eskertý­ jasady. Al osy kompa­nııa­ jumysyn baqylaıtyn «Tehnad­zor» seriktestiginiń bas sarapshy­sy­ Saıan Janǵýjın bylaı dep aq­talǵan boldy: «Qurylys-mon­taj jumystaryn júrgizýge ruq­sat­ty tek 30 mamyrda aldyq. Qazir baǵandar ornatyldy. Endi merdiger osy jerge ózderiniń óndiristik oryndaryn, kıinip-sheshinetin vagondaryn ornatýlary kerek edi, sol jumystar aqsańqyrap tur. Jalpy, bul jerde 143 jańa jumys ornyn ashý belgilengen», dedi. Alaıda baǵandardyń turǵyzylyp bol­ǵanyna da birneshe kún bol­ǵanymen «Elektromontaj» kom­­­p­a­nııasy áli qyzý jumysqa kiris­pegendigi úshin Aıdarbek Seı­pil­uly Saıan Janǵýjınge esker­tý­ jasap, «qazirgideı jaıly kún­der­de jumys qyzý júr­gi­­zil­meıtin bolsa, aldymen siz­der­ge, sosyn merdigerge shara qol­da­nylatyn bolady», dedi. Osy qu­ry­lys boıynsha baıandaǵan qala ákimi Rýslan Ańbaev bul jobaǵa 2,8 mlrd teńge bólingenin, qu­ry­lys jumystary jyldyń aıa­ǵy­na deıin aıaqtalýǵa tıis ekenin málim­dedi.

Osydan ári ákim bastaǵan top­ «Sol­nech­­nyı-2» shaǵyn­ aýda­nyn­daǵy dál osyndaı qury­lys­­tyń barysyn tekserdi. Mun­da­ǵy­ qury­lysty júrgizip jatqan «Alfa-Sever» JShS elektr­­men jáne sýmen jabdyqtaý jumys­ta­ryn aıaqtap, endi joldar­men­ qosalqy stansalar salýǵa kiris­ken­ eken. Júrgizilip jat­qan qyzý ju­mystardy kórgen Aıdar­bek­ Sapa­rov ony «Iýjnyıdaǵy» mer­di­­ger­ge úlgi etti.

Ulttyq ulan akade­mııa­­­­­synyń aýma­ǵynda da 2022 jyl­dyń­ sáýir aıynan beri jańa ke­shenniń qurylystary júrgizilip jatyr. Ol 660 orynǵa shaqtalǵan kazar­many, 800 oryndyq zaly bar mádenıet úıin jáne mýzeı­ ǵı­maratynyń qurylysyn qamtı­dy. Akademııa bastyǵynyń aıtýyna qaraǵanda, qurylysqa 10,8 mlrd teńge bólingen. Bıyl sonyń 4,7 mlrd teńgesi ıgeriledi dep josparlanǵan. Qurylysty júrgizýshi «Ash-stroy» JShS eken. Bıyl bul kompanııa barlyq keshen jumysynyń 60 paıyzyn aıaqtaıtyn kórinedi.

Petropavlda Taraz qala­sy­nyń­­ «Taraz Energy» JShS atty qurylys kom­pa­nııasy Ýálı­ha­nov kóshe­sindegi tur­­­­­­ǵyn-úı qury­lys­taryna ınjenerlik-kom­mý­­nı­­ka­sııalyq júıeler men abat­­­­tan­­dy­rý jumystaryn júrgizýdi ten­­der­­den utyp alǵan. Biraq kásip­oryn alǵan min­det­te­me­sin oryn­daı almaı júr. Qala ákimi R.Ańbaev bul kompanııanyń jumy­syna óziniń qanaǵattanbaı júr­genin aıtty. «Biz bul kompa­nııa­men kelisimshartty buzý jónin­de talap aryzymyzdy sotqa ótki­zip qoıdyq. Kelisimshart buzy­l­ǵannan keıin biz jobaǵa ózge­ris­ter engizip, jańa merdiger tabý úshin konkýrs jarııalaıtyn bolamyz», dedi ol. Oblystyń qurylys, arhıtektýra jáne qala qurylysy bas­qar­­masynyń basshysy Qaırolla Ǵalıev te bul kompanııanyń jumysyna óziniń qanaǵattanbaıtyndyǵyn aıtty. «Biz birneshe ret kompanııa basshylyǵymen áńgime ótkizdik, biraq odan eshqandaı nátıje shyǵar emes. Osy kompanııa Gorkıı kóshesinde salyp jatqan turǵyn-úı qurylysyn da sozyńqyrap jiberdi. Úıge kirýdiń ýaqyty ótip bara jatqan soń turǵyndar osy tarapta bizge ózderiniń narazylyqtaryn aıtýda. Sondyqtan aldaǵy ýaqytta biz de osyndaı sharalarǵa barýǵa májbúr bolarmyz», dedi Q.Ǵalıev.

Qurylysty qolǵa alǵan soń kúndiz-túni onyń jumysyn tııa­­naqty júrgize almaı, tek bóli­ne­tin aqshaǵa qyzyǵyp kirisip ke­te­tin­ qurylys kompanııalary osylaı, turǵyndardy da, basshylardy da áýre-sarsańǵa salyp qoıady.

PETROPAVL