Astanada ınternet dúken arqyly sıntetıkalyq esirtki satqan kúdikti ustalyp, ýaqytsha ustaý ızolıatoryna qamaýǵa alyndy, dep habarlaıdy Egemen.kz polisia.kz-ke silteme jasap.
Polıseıler jedel-izdestirý is-sharalaryn júrgizý barysynda Qabanbaı batyr kóshesinde tikeleı baılanyssyz ınternet dúken arqyly esirtkini ótkizgen 19 jastaǵy astanalyq jas jigitti anyqtady.
Esirtkini ótkizýshi halyq kóp jınalatyn oryndarǵa, ortalyq saıabaqqa jasyryp qoıyp ketip otyrǵan. Jedel-tergeý is-sharalaryn júrgizý barysynda jas jigit qylmys jasaǵanyn moıyndaǵan jáne ınternet dúkenniń jumys júıesi týraly jáne ol jerden alatyn zańsyz syıaqy týraly aıtyp bergen. Jeke tintý barysynda odan sıntetıkalyq esirtkisi bar 40 túıinshek tabylyp, tárkilendi.
Alynǵan mefedron sıntetıkalyq esirtkiniń jalpy salmaǵy - 40 gramm nemese 150 ret qoldanylatyn doza. Qylmystyq is qozǵaldy. 19 jastaǵy elorda turǵyny Astana polısııa departamentiniń ýaqytsha ustaý ızolıatoryna qamaldy. Esirtkini ótkizýge birge qatysqandardy anyqtaý jáne ustaý boıynsha jedel-izdestirý is-sharalary júrgizilip jatyr.