«QazExpoCongress» UK» AQ basshylyǵy EXPO 2025 Osaka uıymdastyrý komıtetiniń ókilderimen kezdesip, Qazaqstannyń kórmege qatysý shartyna qol qoıyldy. Bizdiń el tarapynan bul shartqa Ulttyq seksııanyń bas komıssary Dáýlet Erkimbaev, Japonııa tarapynan qaýymdastyqtyń bas hatshysy Hiroyuki Ishige, EXPO 2025 Osaka Dúnıejúzilik kórmesiniń bas komıssary Koji Haneda qol qoıdy.
Japonııada ótetin EXPO 2025 kórmesine daıyndyqty bastap kettik. Qazir uıymdastyrý máseleleri men «О́mirlerdi qutqarý» taqyryptyq klasterinde ornalasatyn pavılonymyzdy tolyq pysyqtap jatyrmyz. Onyń bastalýyna áli eki jyl bar bolǵanymen, is júzinde ýaqyt az qaldy. Kórme 2025 jyly 13 sáýirde ashylyp, 13 qazanda aıaqtalady. Uıymdastyrýshylardyń boljamynsha, kórmege álemniń 150 elinen 28 mıllıonnan astam adam kelip, 25 halyqaralyq uıym ókili qatyspaq, – dep atap ótti D.Erkimbaev.
Eske sala keteıik, EXPO 2025 ótetin oryn Osakadaǵy Iýmeshıma jasandy araly bolyp belgilendi. «Bizdiń ómirimiz úshin bolashaq qoǵamyn qurý» dep atalǵan kórme «О́mirlerdi qutqarý», «Quqyq pen múmkindikterdi keńeıtý» jáne «О́mirlerdi biriktirý» atty úsh taqyrypqa bólingen. Kórmeniń jalpy aýdany shamamen 155 ga quraıdy. Qazaqstan pavılony Italııa, Nıderland, Sıngapýr jáne Bolgarııa pavılondarymen kórshiles ornalasady.