QR Aqparat jáne qoǵamdyq damý mınıstrligine qarasty Din isteri komıtetiniń arnaıy jobasy aıasynda aǵymdaǵy jyldyń 10-14 shilde aralyǵynda Pavlodar oblysynda din máseleleri jónindegi respýblıkalyq aqparattyq-túsindirý tobynyń (RATT) mamandary qatysýymen dinı ekstremızmniń taralýyn aldynalýǵa baǵyttalǵan semınar jáne ártúrli formattaǵy is-sharalar uıymdastyrý sheńberinde dindar áıelder arasynda birqatar kezdesýler ótkizildi, dep habarlaıdy Egemen.kz.
Atalǵan kezdesýlerge RATT múshelerinen (teologtar, dintanýshylar) – Qojahmetova T.Z., Soltan R., Abıtova A.R., Berkimbaeva I.Q., Kamarova R.I. tartyldy.
RATT músheleriniń qatysýymen Pavlodar, Ekibastuz, Baıanaýyl, Aqsý qalalary men Jelezın aýyldarynda meshit jamaǵatymen, jumyspen qamtý ortalyqtary men ortalyq bazarlarda ózin-ózi jumyspen qamtyǵan jas áıeldermen, aýyldyń áıelder qaýymymen, medısına jáne bilim salasynyń áıelder qaýymy men stýdent qyzdarymen t.b. semınarlar men kezdesýler ótkizildi.
О́tkizilgen is-sharalarda oblys turǵyndaryna Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparat berildi.
Tyńdaýshylar tarapynan da RATT múshelerine birqatar suraqtar qoıylyp, saýaldarǵa tujyrymdy jaýaptar alyndy.